Namo Shetkari Yojana: राज्यातील ६५ लाख शेतकऱ्यांसाठी खुशखबर! खात्यात ₹२००० जमा होणार; 'नमो शेतकरी'साठी निधी मंजूर

राज्य सरकारने शेतकऱ्यांसाठी महत्त्वाचा निर्णय घेतला आहे. नमो शेतकरी योजनेसाठी निधी जाहीर केला आहे. गेल्या अनेक दिवसांपासून शेतकरी नमो शेतकरी योजनेच्या हप्त्याची वाट पाहत होते. त्यानंतर आता हप्ता वितरणाला मंजुरी देण्यात आली आहे. याबाबत काल म्हणजेच सोमवारी मंजुरी दिली आहे.

नमो शेतकरीचा हप्ता जमा होणार (Namo Shetkari Yojana Installment)

राज्य सरकारने नमो शेतकरी योजनेच्या आठव्या हप्त्यासाठी १ हजार ७७४ कोटींचा निधी वितरणास मान्यता दिली आहे. शेतकरी गेल्या ३ महिन्यांपासून नमो शेतकरी योजनेच्या हप्त्याची वाट पाहत होते. आता शेतकऱ्यांची प्रतिक्षा संपली आहे. लवकरच शेतकऱ्यांना पैसे दिले जातील.

नमो शेतकरी योजनेचा ८वा आणि नववा हप्ता रखडला होता. आता त्यातील एका हप्त्यासाठी निधी वितरित करण्यात आला आहे. मागच्या वर्षी सप्टेंबर महिन्यात नमो शेतकरी योजनेचा शेवटचा हप्ता दिला होता. त्यानंतर अनेक महिने शेतकऱ्यांनी वाट पाहिली आहे.

राज्यातील एकूण ६५ लाख १५३ शेतकऱ्यांच्या खात्यात हे पैसे जमा करण्यात येणार आहे. यासाठी १८९२ कोटी ६१ लाख रुपयांचा निधी मंजूर केला आहे. दरम्यान, आठवा हप्ता डिसेंबरच्या शेवटच्या आठवड्यात येणे अपेक्षित होते. मात्र, शेतकऱ्यांना खूप दिवस वाट पाहावी लागली.

पीएम किसानचा हप्ता मिळाल्यानंतर आता लगेच नमो शेतकरी योजनेचा हप्ता जमा केला जाणार आहे. पीएम किसान योजनेप्रमाणेच नमो शेतकरी योजनेतही शेतकऱ्यांना वर्षभरात ६००० रुपये दिले जातात. तीन हप्त्यांमध्ये हे पैसे दिले जातात. आता ऑगस्ट २०२५ ते नोव्हेंबर २०२५ दरम्यानचा आठवा हप्ता जमा केला जाणार आहे.