प्रत्येकाची काही न काही स्वप्नं असतात. स्वप्न पूर्ण करण्यासाठी खूप मेहनत घ्यावी लागते. स्वप्न पूर्ण करताना अनेक अडचणी येतात परंतु कितीही अडचणी आल्या तरीही त्यावर मात करता यायला हवी. असंच काहीसं राजस्थानच्या सुलोचना मीणा यांनी केलं. त्यांनी पहिल्याच प्रयत्नात यूपीएससी परीक्षा पास केली आहे.

आयएएस सुलोचना मीणा यांचा जन्म राजस्थानमधील सवाई माधोपुर जिल्ह्यात झाला. त्यांचे गाव खूपच जुन्या विचारांचे होते. त्यांच्या गावात मुलींना १०वी-१२वीनंतर शिकवणे हा खूप निर्णय मानायचे. त्यांच्या आईवडिलांचे स्वप्न होते की, आपल्या लेकीने डॉक्टर व्हावे. मात्र, त्यांच्या मनात आयएएस व्हायचे स्वप्न होते.

सुलोचना यांचे आईवडिल शेती करायचे. लहान लहान कामातून ते कुटुंबाचा खर्च भागवायचे. त्यांच्या गावात कोणीही आयएएस अधिकारी झाले नव्हते. जेव्हा त्यांनी सांगितले की, मला आयएएस व्हायचे आहे तेव्हा अनेकजण त्यांच्यावर हसले.परंतु त्यांनी आपला निर्धार पक्का केला.

सुलोचना यांनी दिल्ली विद्यापीठातून ग्रॅज्युएशन पूर्ण केले. त्या एनएसएसमध्ये जोडल्या गेल्या होत्या. त्यांनी प्रशासकीय सेवेत जाण्याचा निर्णय घेतला होता.

कोणत्याही कोचिंगशिवाय यूपीएससी क्रॅक

ग्रॅज्युएशन पूर्ण झाल्यानंतर सुलोचना यांनी यूपीएससी परीक्षेची तयारी सुरु केली. त्यांनी कोणतेही कोचिंग लावले नाही. त्यांनी रोज ८-९ तास अभ्यास केला. त्यांनी खूप मेहनतीने पहिल्याच प्रयत्नात यश मिळवले. त्यांनी २०२१ मध्ये सिविल सेवा परीक्षा पास केली. त्यांच्या या यशाने त्यांच्या आईवडिलांना खूप आनंद झाला.