आयुष्यात यशस्वी होण्यासाठी मेहनतीला दुसरा पर्याय नाही. कामात सातत्य आणि मेहनत केल्याने प्रत्येक व्यक्ती आयुष्यात यशस्वी होतो. असंच यश आयएएस श्रीनाथ यांनी मिळवलं आहे. श्रीनाथ यांनी आपल्या लेकीसाठी यूपीएससी परीक्षा क्रॅक केली आहे. ते आधी रेल्वे स्टेशनवर हमाल म्हणून काम करायचे.

इच्छाशक्ती आणि मेहनतीच्या जोरावर श्रीनाथ यांनी यश मिळवले आहे. श्रीनाथ यांनी मुलीचे आयुष्य सुरक्षित आणि सुखकर करण्यासाठी हा महत्त्वाचा निर्णय घेतला. यूपीएससी परीक्षा देताना त्यांना अनेक अडचणी आल्या. परंतु त्यांनी प्रत्येक अडचणीवर मात केली. (Success Story)

श्रीनाथ हे मुळचे केरळ येथील मुन्नारचे रहिवासी.ते एर्नाकुलम रेल्वे स्टेशनवर हमाल म्हणून काम करायचे. या कामातून त्यांना जास्त पैसे मिळायचे नाही. या पैशातून त्यांच्या मुलीचे पालनपोषण ते करु शकत नव्हते. त्यामुळे त्यांनी हमालीचे काम करत असतानाच स्पर्धा परीक्षा द्यायचा निर्णय घेतला.

श्रीनाथ यांचे उत्पन्न एवढे नव्हते की ते यूपीएससी परिक्षेसाठी कोचिंग क्लासेस जॉइन करतील. त्यामुळे त्यांनी सेल्फ स्टडी करण्याचा निर्णय घेतला. त्यांच्याकडे स्टडी मटेरियल खरेदी करण्यासाठीही पैसे नव्हते. त्यामुळे त्यांनी रेल्वे स्टेशनवरील फ्री वायफायचा वापर करुन अभ्यास केला. त्यांनी केरळ लोक सेवा आयोगमध्ये सरकारी नोकरी करण्यासाठी तयारी केली. (Success Story Of IAS Sreenath)

केरळ लोक सेवा आयोगाच्या परीक्षेत पास झाल्यानंतर त्यांचा आत्मविश्वास वाढला. त्यांनी यूपीएससी परीक्षा देण्याचा निर्णय घेतला. तीन वेळा अपयश आले परंतु तरीही त्यांनी हार मानली नाही. त्यांनी यूपीएससी परीक्षा क्रॅक केली. आज ते आयएएस ऑफिसर म्हणून कार्यरत आहेत. (Coolie To IAS Officer)