Success Story : भांडी घासण्यापासून ते वेटरपर्यंतचं काम केलं, आज उभारली कोट्यवधींची कंपनी; 'भास्कर पुरणपोळी घर'ची सक्सेस स्टोरी वाचा

स्वप्न बघितल्यावर ती नक्कीच पूर्ण होतात, असं कोणीतरी म्हटलं आहे. स्वप्न बघितल्यानंतर ते पूर्ण करण्यासाठी मेहनत केल्यावर तुम्ही नक्कीच यशस्वी होता. असंच यश कर्नाटकमधील केआर भास्कर यांना मिळालं. केआर भास्कर यांनी भास्कर पुरणपोळी घर या बिझनेसची सुरुवात केली.

केआर भास्कर हे मूळचे कर्नाटकचे रहिवासी. त्यांनी शार्क टँक इंडियामध्येदेखील सहभाग घेतला आहे. केआर भास्कर यांनी एकेकाळी हॉटेलमध्ये वेटर म्हणून काम केले होते. त्यानंतर त्यांनी आज कोट्यवधींची कंपनी सुरु केली आहे. भास्कर यांची कर्नाटक आणि महाराष्ट्रमध्ये फूड चेन आहे. (Success Story)

केआर भास्कर यांनी 'भास्कर का पुरणपोळी घर' या नावाने ब्रँड सुरु केली. पुरणपोळी आणि स्नॅक्स विकून ते दर महिन्याला लाखो रुपये कमावतात. त्यांचे आउटलेट्स कर्नाटक आणि महाराष्ट्रात प्रसिद्ध आहे. या कंपनीचा वार्षिक नफा ३.६ कोटी रुपये आहे. त्यांनी स्वतः च्या मेहनतीवर शुन्यातून विश्व निर्माण केलं आहे.

भास्कर यांनी एक मुलाखतीत सांगितले होते की,२५ वर्षांपूर्वी त्यांनी बंगळुरु येथील एका हॉटेलमध्ये वेटर म्हणून काम करणे होते. त्यावेळी त्यांचे वय १२ होते. ते त्यावेळी हॉटेलमध्ये टेबल, भांडी साफ करायचे. त्यानंतर ते २३ वर्षाचे असताना सायकलीवरुन पुरणपोळी विकायला सुरुवात केली. त्यानंतर त्यांनी स्वतः चा बिझनेस सुरु केला. (Success Story Of Puranpoli Ghar)

केआर भास्कर यांचे एका कुकिंग शोमध्ये सिलेक्शन झाले होते. त्यानंतर ते प्रसिद्ध झाले. त्यानंतर त्यांनी कर्नाटकमध्ये १७ दुकाने आणि १० पेक्षा जास्त फ्रँचायसी सुरु केली. भास्कर यांच्या पुरणपोळी घरात रोज १००० पेक्षा जास्त पुरणपोळी विकल्या जातात.