प्रत्येकजण आपल्या भविष्यासाठी वेगवेगळ्या योजनेत गुंतवणूक करतात. मुलांचे भविष्यासाठी पैसे गुंतवणे खूप गरजेचे आहे. जर तुम्ही मुलांच्या भविष्यासाठी गुंतवणूक करायचा विचार करत असाल तर पोस्ट ऑफिसची ही योजना खूप फायद्याची आहे. पोस्ट ऑफिस बाल जीवन विमा (Post Office Child Insurance Scheme)योजनेत गुंतवणूक केल्यावर तुम्हाला खूप फायदा होईल.

मुलांच्या भविष्यासाठी ही गुंतवणूक करा.पोस्ट ऑफिस बाल जीवन विमा ही विमा योजना आहे. पोस्टल लाइफ इन्श्युरन्सद्वारे ही योजना चालवली जाते. यामध्ये तुम्हाला लाइफ इन्श्युरन्स कव्हरसह मॅच्युरिटीवर ३ लाख रुपयांपर्यंत विम्याची रक्कम मिळते. यामध्ये बोनसदेखील मिळतो.

चाइल्ड लाइफ इन्शुरन्स योजनेत पोस्ट लाइफ इन्श्युरन्स आणि रुरल पोस्टल लाइफ इन्श्युरन्स अंतर्गत स्वतंत्र विमा दिला जातो. पीएलआयअंतर्गत ३ लाख तर आरपीएलआयअंतर्गत १ लाखांपर्यंतचा विमा दिला जातो. तसेच दोघांचा प्रिमियमदेखील वेगळा असतो.

रुरल पोस्ट लाइफ इन्श्युरन्सअंतर्दत तुम्हाला १००० रुपयांच्या विम्यावर ४८ रुपयांचा बोनस दिला जातो. तर पोस्टल लाइफ इन्शुरन्सअंतर्गत ५२ रुपयांचा विमा दिला जातो.

पोस्ट ऑफिस बाल विमा योजनेत तुम्ही दोन मुलांचा विमा मिळवू शकतात. यामध्ये ५ ते २० वर्षांच्या मुलांचा विमा खरेदी करता येतो. जे पालक विमा खरेदी करतील त्यांचे वय ४५ वर्षांपेक्षा जास्त नसावे.

तुम्हाला या पॉलिसीमध्ये ५ वर्षे नियमित प्रिमियम भरायचे आहे. नियमित प्रिमियम भरल्यावर पेड अप पॉलिसी बनते. जर मुदतीपूर्वी मुलाचा मृत्यू झाला ततर त्याचा प्रिमियम माफ केला जातो. पोस्ट ऑफिस बाल विमा योजनेत तुम्ही मासिक, तीन महिन्याला, सहामाही आणि वार्षिक आधारावर गुंतवणूक करु शकतात. यामध्ये पॉलिसी घेताना मुलांची वैद्यकीय तपासणी करणे गरजेचे नाही.