कोट्यवधी कर्मचारी पीएम किसान योजनेच्या हप्त्याची वाट पाहत आहे. पीएम किसान योजनेचा २१वा हप्ता लवकरच शेतकऱ्यांना दिला जाईल. दिवाळीआधी हा हप्ता येण्याची शक्यता वर्तवली जात आहे. मात्र, आता या योजनेबाबत अजून एक अपडेट समोर आली आहे. केंद्र सरकारने नियमाबाहेर जाऊन चुकीच्या पद्धतीने योजनेचा लाभ घेणाऱ्या लाभार्थ्यांची यादी तयार केली आहे. मिळालेल्या माहितीनुसार एकूण ३१ लाखांपेक्षा जास्त शेतकऱ्यांची नावे या यादीत आहे.

३१ लाख लाभार्थ्यांना मिळणार नाही पीएम किसान योजनेचा हप्ता (31 Lakh Farmers Will Not Get PM Kisan Yojana Installment)

केंद्र सरकारच्या म्हणण्यांनुसार, एका कुटुंबातील पती आणि पत्नी असे दोन्ही लाभार्थी योजनेचा लाभ घेत आहेत. नियमानुसार कोणत्याही कुटुंबातील एकच व्यक्ती या योजनेचा लाभ घेऊ शकतात. मात्र, ज्या कुटुंबातील दोन किंवा त्यापेक्षा जास्त व्यक्ती योजनेचा लाभ घेत आहेत त्यांची यादी तयार करण्यात आली आहे. यामध्ये तब्बल ३१ लाभार्थ्यांनी निकषाबाहेर जाऊन योजनेचा लाभ घेतला असल्याचे समोर आले आहे.

मिडिया रिपोर्टनुसार, ३१.०१ लाख लाभार्थ्यांची यादी तयार करण्यात आली आहे. त्यातीन १७.८७ लाख लाभार्थी असे आहेत की ज्यांच्या कुटुंबात पती आणि पत्नी दोघेही योजनेचा लाभ घेत आहेत. या योजनेअंतर्गत पडताळणी सुरु आहे. यातून आणखी नावे समोर येण्याची शक्यता आहे.

मुलांनाही मिळतायत ६००० रुपये

दरम्यान, या पडताळणीत अजून एक धक्कादायक माहिती समोर आली आहे. जवळपास १.७६ लाख अल्पवयीन मुले या योजनेचा लाभ घेत असल्याची माहिती समोर आली आहे. तर ३३.३४ लाख लाभार्थ्यांनी जमिनीबाबत दिलेली माहिती चुकीचे असल्याचे समोर आले आहे. त्यामुळे या लाभार्थ्यांना वगळून टाकण्यात येईल.