PM Kisan Samman Nidhi : शेतकऱ्यांसाठी अत्यंत महत्त्वाची बातमी समोर आली आहे. राज्यातल्या प्रत्येक शेतकऱ्याला आर्थिक मदत मिळावी यासाठी केंद्र सरकार विविध योजना राबवत आहे. त्यातच पीएम किसान योजनेचा (PM Kisan Samman Nidhi) लाभ आत्तापर्यंत अनेक लाभार्थी शेतकऱ्यांनी घेतला आहे. आता या योजनेचा २४ वा हप्ता शेतकऱ्यांच्या खात्यात पाठवला जाणार आहे. पण यासाठी शेतकऱ्यांना काही महत्त्वाच्या प्रोसेस पूर्ण करणं गरजेचं आहे.

पीएम किसान योजनेचा लाभ घेणाऱ्या शेतकऱ्यांना एकूण ६ हजार रुपये वर्षाला दिले जातात. यामध्ये वर्षाला २००० हजाराचे ३ हप्ते दिले जातात. आता पीएम किसान योजनेचा २४ वा हप्ता (PM Kisan 24th Installment) शेतकऱ्यांच्या खात्यात जमा होईल. पण तुम्ही केवायसी प्रोसेस पूर्ण केली नाही, आधार आणि बँक खात्याच्या माहितीतल्या चुका किंवा इतर तांत्रिक समस्यांमुळे शेतकऱ्यांना हप्ता मिळायला उशीर होऊ शकतो.

२४ वा हप्ता येण्याआधी करा हे काम

तुम्ही या योजनेचे रेकॉर्ड्स काही सोप्या स्टेप्सने तपासू शकता. त्यासाठी तुम्हाला सर्वप्रथम, pmkisan.gov.in या अधिकृत वेबसाइटला भेट द्यावी लागेल. मग होमपेजवर, 'Know Your Status' किंवा 'Beneficiary status' या ऑप्शनवर क्लिक करा. तिथे ओटीपी टाका.

त्यानंतर तुमच्या अर्जाची स्थिती, मागच्या हप्त्यांची नोंद आणि तुमच्या पुढील हप्त्याची माहिती स्क्रीनवर दिसेल. तुम्हाला यामध्ये काही चुका किंवा समस्या आढळल्या तर तिथल्या तिथे तुम्ही दुरुस्त करून घ्या. ही सोपी प्रोसेस केल्याने तुम्हाला न रखडता पुढील हप्ता खात्यात जमा होईल. पण लक्षात ठेवा  e-KYC  प्रोसेस पूर्ण करणं अनिवार्य आहे.