पीएम किसान योजनेचे लाभार्थी शेतकरी २२व्या हप्त्याची वाट पाहत आहेत. शेतकऱ्यांच्या खात्यात २००० रुपये कधी जमा होणार असा प्रश्न सध्या विचारला जात आहे. पीएम किसान योजनेचा हप्ता फेब्रुवारी महिन्यात येण्याची अपेक्षा होती. मात्र, आता फेब्रुवारी महिना संपत आला आहे तरीही शेतकऱ्यांच्या खात्यात पैसे जमा झालेले नाहीत. यामुळे अनेक प्रश्न निर्माण झाले आहेत.

पीएम किसान योजनेचा २२वा हप्ता कधी मिळणार? (PM Kisan Yojana 22nd Installment Date)

मागच्या तीन वर्षांपासून फेब्रुवारीच्या शेवटच्या आठवड्यात पीएम किसानचा हप्ता जमा केला जात होता. २४ फेब्रुवारी ते २८ फेब्रुवारीपर्यंत शेतकऱ्यांच्या खात्यात पैसे जमा केले जात होते. यावर्षीही आता शेवटच्या आठवड्यात पैसे येणार की नाही याकडे सर्वाचेच लक्ष लागले आहे.पीएम किसान योजनेचा २१ वा हप्ता १९ नोव्हेंबर २०२५ रोजी जमा करण्यात आला होता.यानंतर आता या आठवड्यात पैसे जमा केले जाण्याची शक्यता आहे.

या शेतकऱ्याना मिळणार नाही पैसे (PM Kisan Yojana These Farmers will Not Get 2000 Rupees)

पीएम किसान योजनेचा हप्ता फक्त त्याच शेतकऱ्यांना मिळणार आहे ज्यांच्या नावावर जमीन रजिस्टर आहे. जर एखादा शेतकरी दुसऱ्याच्या शेतात काम करत असेल. त्याच्या नावावर जमीन नसेल तर त्या शेतकऱ्यांच्या खात्यात पैसे जमा केले जाणार नाहीत. याचसोबत पीएम किसानचा हप्ता मिळवण्यासाठी तुम्हाला केवायसी करणे गरजेचे आहे. जर तुम्ही केवायसी केले नाही तर योजनेचा लाभ मिळणार नाहीये. दरम्यान, आता तुमच्या खात्यात पैसे जमा केले जाणार की नाहीत याबाबतचा स्टेट्‍स तुम्हाला वेबसाइटवर दिसणार आहे.