रोज लाखो लोक खाजगी वाहनांनी प्रवास करतात. त्यामध्ये अनेकजण ओला-उबरच्या कारने प्रवास करतात. ओला- उबरने प्रवास करणे खूप सोपे आहे.यासाठी भाडेदेखील निश्चित केले जाते.दरम्यान, आता ओला उबरचे भाडे वाढले आहे. ओला उबरचा प्रवास महागला असून याचा फटका प्रवाशांना बसणार आहे. (Ola-Uber Fare Hike)

ओला उबरच्या भाड्यात वाढ

ओला उबरने प्रवास करताना वेळ, अंतर यानुसार भाडे आकारले जाते. दरम्यान आता प्रति किमीसाठी भाडेवाढ केली आहे. आता ओला उबरचे भाडे प्रति किलोमीटर २२.७२ रुपये आहे.

ओला उबरने प्रवास करताना मागणीच्या कालावधीत दीडपट भाडेवाढ करण्यास परवानगी आहे. मागणी नसलेल्या कालावधीत २५ टक्के सवलत देण्यात आली आहे. दरम्यान आता प्रत्येक फेरीमागील ८० टक्के भाडे हे चालकाला मिळणार आहे. भाडं निश्चित करण्यात आले आहे. त्यामुळे मागणी असलेल्या काळात म्हणजे सकाळी-संध्याकाळी दीडपट जास्त भाडे वाढवण्याची परवानगी आहे. मागणीच्या काळात ३४ तर मागणी नसलेल्या काळात १७ रुपये भाडे प्रति किलोमीटरसाठी द्यावे लागणार आहे

.

आता उबर, ओला, रॅपिडोला काली-पिली टॅक्सीप्रमाणेच दर आकारण्याची परवानगी दिली आहे. मुंबई महानगर प्रदेश प्राधिकरणाने निर्देश जारी केले आहे. यानुसार कालपासून ओला-उबरच्या भाड्यात वाढ झाली आहे. एमएमआरटीएने म्हटलंय की, काली पिली टॅक्सीचे भाडे सध्या २०.६६ रुपये आहे. तर एसी वाहनांसाठी २२.७२ रुपये आहे. आता हेच दर ओला-उबर आणि रॅपिडो कंपन्यांसाठी लागू होणार आहे.