आजकाल सर्वकाही डिजिटल झाले आहे. त्यामुळे अगदी भाजी खरेदीपासून करण्यापासून ते कोणतीही मोठी वस्तू घेण्यासाठी तुम्ही यूपीआय पेमेंच करतात.यूपीआय पेमेंटबाबत सरकार लवकरच मोठा निर्णय घेणार आहे. सरकार कोणत्याही प्रकारचे पेमेंट करण्यावर डिस्काउंट देण्याची शक्यता आहे. सरकार सध्या या योजनेवर काम करत आहे.

सरकार सध्या यूपीआय पेमेंट स्वस्त करण्याच्या योजनेवर काम करत आहे. जर ही योजना लागू केली तर यूपीआय पेमेंट करणे क्रेडिट कार्डपेक्षा स्वस्त होणार आहे. क्रेडिट कार्डवर सध्या २-३ टक्के शुल्क आकारले जाते. याचा मर्चंट डिस्काउंट रेट म्हणतात. जर तुम्ही १०० रुपयांची वस्तू खरेदी केली तर त्यातील ९७-९८ रुपये दुकानदाराला मिळणार आहे. दरम्यान, यूपीआय पेमेंटवर कोणतेही शुल्क लागत नाही. त्यामुळे संपूर्ण पैसे हे दुकानदाराला मिळते.

आता ग्राहकांनाही मिळणार फायदा

ग्राहक व्यव्हार मंत्रालय सध्या असा विचार करत आहे की,यूपीआय पेमेंट करणाऱ्या ग्राहकांनाही फायदा मिळेल. आतापर्यंत फक्त दुकानदारांना फायदा मिळत होता. क्रेडिट कार्डवर २-३ टक्के शुल्क लागते. यूपीआयवर हे शुल्क लागत नाही. त्यामुळे यूपीआयला प्रोत्साहन मिळेल.

ही योजना लागू करण्यापूर्वी सरकार जूनमध्ये संबंधितांशी चर्चा करेल. यामध्ये ई कॉमर्स कंपन्या, एनपीसीआय, बँका, पेमेंट व ग्राहक संघटनांचा समावेश असेल. या बैठकीनंतरच अंतिम निर्णय घेतला जाईल. पेमेंट काउन्सिल ऑफ इंडियाने यूपीआय आणि रुपे डेबिट कार्डवरही MDR लागू करण्याची मागणी केली होती. मात्र, सरकारने या प्रस्तावाला मान्यता दिलेली नाही.

यूपीआय ट्रान्झॅक्शन होणार जलद

एनपीसीआयच्या नवीन नियमांनुसार, १६ जून २०२५ पासून यूपीआय व्यव्हार फक्त १५ सेकंदातच पूर्ण होतील.यासाठी ३० सेकंदाचा कालावधी लागायचा.