केंद्र सरकारने महिलांसाठी अनेक योजना राबवल्या आहेत. केंद्र सरकारनंतर राज्य सरकारनेही महिलांसाठी अनेक योजना सुरु केल्या आहेत. महाराष्ट्र सरकारने लाडकी बहीण योजना राबवली होती. त्यानंतर दिल्ली सरकारनेही महिला समृद्धी योजनेची घोषणा केली. दिल्ली सरकारने महिला समृद्धी योजना सुरु केली आहे. दरम्यान, आता महिला समृद्धी योजनेसाठी अर्थसंकल्पात महत्त्वाची घोषणा करण्यात आली आहे. या योजनेसाठी निधी मंजुर करण्यात आला आहे.

दिल्ली सरकारच्या महिला समृद्धी योजनेत (Delhi Government Mahila Samriddhi Yojana) महिलांना आर्थिक मदत केली जाते. गरीब कुटुंबातील महिलांवर आर्थिक ताण येऊ नये, यासाठी ही योजना सुरु केली आहे. या योजनेत महिलांना दर महिन्याला २५०० रुपये दिले जातात. या योजनेमुळे महिलांना दिलासा मिळणार आहे. या योजनेसाठी सरकारने ५१०० कोटींचा निधी मंजूर केला आहे.

या महिलांना मिळणार लाभ

महिला समृद्धी योजनेत महिलांना दर महिन्याला आर्थिक मदत केली जाते. या योजनेचा लाभ घेण्यासाठी काही निकष आहेत. या निकषांमध्ये बसत असणाऱ्या महिलांनाच योजनेचा लाभ मिळणार आहे. २१ ते ५९ वयोगटातील महिला या योजनेचा लाभ घेऊ शकतात. योजनेची लाभार्थी महिला कमीत कमी ५ वर्ष दिल्लीची रहिवासी असावी. या योजनेच्या लाभार्थ्यांचे वार्षिक उत्पन्न २.५ ते ३ लाखांपर्यंत असावे. कुटुंबातील कोणीही टॅक्स भरत नसावे. महिला सरकारी कर्मचारी किंवा पेन्शनधारक नसावी. दुसऱ्या कोणत्याही योजनेचा लाभ घेत नसावी.

योजना कधी सुरु होणार?

सरकारने योजनेची घोषणा केली आहे.या योजनेसाठी प्रोसेस सुरु करण्यात आली आहे. यानंतर महिलांचे रजिस्ट्रेशन होईल. त्यानंतर महिलांच्या खात्यात पैसे पाठवले जातील. दरम्यान, याबाबत कोणतीही अधिकृत माहिती समोर आलेली नाही. लवकरच याबाबत अधिकृत माहिती दिली जाईल.