देशातली सगळ्यात मोठी विमा कंपनी LIC मध्ये कोणत्याही वर्गातील व्यक्ती गुंतवणूक करू शकतात. यामध्ये तुम्हाला भविष्यासाठी पैसे गुंतवता येतात. लहान मुलांपासून ते वृद्धांसाठी विविध योजना आहेत. मात्र LIC ने खास महिलांना आर्थिकदृष्ट्या सक्षम बनवण्यासाठी खास योजना सुरु केली आहे. त्यामध्ये महिलांना कमीत कमी ७००० रुपये दर महिना कमवता येतील.

LIC मध्ये अनेकवर्षांपासून नागरिक विश्वाने गुंतवणूक करत आहेत. तर महिलांना दर महिन्याला ७००० रुपये कमवायचे असतील तर एलआयसी विमा सखी योजनेत (LIC Bima Sakhi) सहभागी व्हा. आत्तापर्यंत अनेक महिलांनी यामध्ये सहभाग घेतला आहे.

तुम्हाला या विमा सखी योजना ग्रामीण महिलांना विमा बनवण्याची आणि गावात विम्याची जागरुकता निर्माण करण्याची संधी यामध्ये मिळते. यामध्ये सहभाग घेण्यासाठी महिलांचे वय १८ ते ७० वयाच्या आत असावे. तसेच दहावी पास महिलांनाच यामध्ये सहभाग घेता येतो.

तुम्हाला या योजनेत (LIC Vima Sakhi Yojana For Women)पॉलिसी इतर महिलांना विकायची असते. ती विकल्यानंतर त्याचे कमिशन तुम्हाला मिळते. तर सहभागी महिलांना पहिल्या तीन वर्षात एक ठरलेला पगार दिला जातो.

महिलांना यामध्ये पॉलिसी विकल्यावर पुढील तीन वर्षांसाठी पगार दिला जातो. पहिल्या वर्षात महिलांना ७००० रुपये देतात. दुसऱ्या वर्षात महिलांना ६००० तर तिसऱ्या वर्षी ५००० रुपये दिले जातात. ज्या महिला त्यांचे टार्गेट पूर्ण करतात किंवा त्याच्यापेक्षा जास्त टार्गेट पूर्ण करतात. त्याचं कमिशन दिलं जातं. ३ वर्ष पूर्ण झाल्यावर त्या महिला LIC एजन्ट म्हणून महिला काम करू शकतात. याची एकच अट आहे की, तुम्ही एका वर्षात सुरु केलेल्या ६५ टक्के पॉलिसी सुरू असल्या पाहिजेत. याची महिलांना ट्रेनिंग दिली जाते.