Ladki Bahin Yojana: मार्च-एप्रिलचा लाडकीचा हप्ता का थांबवला? आता कोणाला मिळणार १५०० रुपयांचा लाभ? वाचा...

राज्यातल्या अनेक महिलांना मुख्यमंत्री लाडकी बहीण योजनेचा लाभ मिळतो. मात्र मे महिना संपत आला तरी खात्यावर पैसे आलेले नाहीत. आता महिलांच्या मनात असा प्रश्न निर्माण झालाय की, कोणत्या बहिणींना या योजनेचा हप्ता मिळणार? बऱ्याच महिला याची तपासणी करण्यासाठी सरकारी कार्यालयात, केंद्र किंवा ग्रामपंचायत कार्यालयाच्या फेऱ्या मारत आहेत.

लाडक्या बहिणींच्या मनातील प्रश्न

महिलांना आर्थिकदृष्ठ्या सक्षम करण्यासाठी ही योजना राबविण्यात आली. ज्यामध्ये महिलांना दरमहा १५०० रुपयांचा हप्ता मिळत होता. हा हप्ता हा थेट महिलांच्या खात्यावर येत होता. मात्र काही महिलांना मार्च- एप्रिलचा हप्ता मिळालेला नाही. आता प्रश्न हा आहे की, लाडकीचे पैसे का थांबवण्यात आले? कोणाला मिळणार आणि कोणाला मिळणार नाहीत? पुढील माहितीत आपण थोडक्यात जाणून घेऊयात.

मार्च- एप्रिलपासून हप्ता बंद

लाडकी बहीण योजनेचा हप्ता महिलांना खूप फायदेशीर ठरत होता. मुलांच्या औषधपाण्यासाठी, घर खर्चासाठी तर काहींना बचतीसाठी हे पैसे उपयोगी पडत होते. ही रक्कम जरी कमी असली तर त्याचा योग्य वापर केला जात होता. महिला दर महिन्याच्या हप्ताची वाट पाहायच्या. पण काही महिल्यांच्या खात्यावर मार्च- एप्रिलचा हप्ता आलाच नाही.

नेमकं कारण काय?

महिलांच्या खात्यावर पैसे न येण्याचं कारण म्हणजे काही महिलांना या योजनेचा लाभ घेता येत नव्हता. सरकारकडे अशा तक्रारी गेल्या की, काही गरजू महिलांना याचा लाभ घेता येत नव्हता. तसेच काही अपात्र महिलाही या योजनेचा लाभ घेत होत्या. त्यामुळे सरकारने ईकेवायसी करण्याचा निर्णय घेतला. तसेच बॅंक लिंकींग, इतर कागदपत्रांची पडताळणी केली.

कोणत्या लाडकीचा हप्ता केला बंद?

सरकारने पडताळणी केल्यानंतर, ज्या महिलांचे आधार कार्ड बॅंक खात्याशी लिंक नव्हतं आणि ज्यांनी ईकेवायसी प्रोसेस पूर्ण केली नव्हती त्यांचा हप्ता थांबवला. सरकारचे म्हणणे आहे की, ज्या महिला या योजनेसाठी पात्र असतील. त्यांनाच याचा लाभ घेता येणार आहे. इतर अपात्र महिलांचे हप्ते थेट बंद करण्यात येतील.