प्रत्येक व्यक्तीला आयुष्यात काही न काही संघर्ष हा करावा लागतोच.आयुष्यात यश मिळवायचे असेल तर परिस्थितीवर मात ही करावीच लागते. कितीही बिकट परिस्थिती असेल तर त्यावर मात कशी करायची हे उम्मुल खेर यांच्याकडून शिकावे. लहानपणीच आईचे छत्र हरपलं, त्यांच्या १६ शस्त्रक्रिया झाल्या. तरीही त्यांनी हार मानली नाही. त्यांनी यूपीएससी परीक्षा क्रॅक केली. (Success Story)

उम्मुल खेर यांचा जन्म राजस्थानच्या पाली येथे झाला. त्या खूप लहान होत्या तेव्हाच ते दिल्लीला शिफ्ट झाले. दिल्लीत त्यांनी लहानश्या झोपडीत बालपण काढले. त्यांचे वडील घरोघरी जाऊन कपडे विकायचे. उम्मुल या खूप लहान होत्या तेव्हाच त्यांच्या आईचे निधन झाले. त्यांच्या वडिलांनी दुसरे लग्न केले. त्यांच्या आईला त्यांचे शाळेत जाणे आवडायचे नाही. उम्मुल यांना अभ्यासाची खूप आवड होती. त्यामुळे त्यांनी घर सोडून एकटे राहण्याचा निर्णय घेतला. (Success Story of Ummul Kher)

उम्मुल या आठवीत असताना त्यांच्या आईचे निधन झाले. त्यांच्या कुटुंबाने त्यांना शिकण्यापासून मनाई केली. परंतु त्यांनी एकटे राहून शिक्षण पूर्ण करण्याचा निर्णय घेतला. त्यांनी एका झोपडीत राहून लहान मुलांचे ट्युशन घेतले. यातून त्यांनी आपला खर्च भागवला. त्यांनी बारावीत ९१ टक्के गुण मिळवले होते.

२०१२ मध्ये त्यांच्या आयुष्यात खूप वाईट प्रसंग घडला. त्यांचा दुर्दैवी अपधात झाला. त्यानंतर त्यांना जवळपास १ वर्ष व्हील चेअरवरच बसावे लागले. त्यानंतर त्यांनी जेएनयूमध्ये मास्टर इन इंटरनॅशनल स्टडीजसाठी प्रवेश परीक्षा दिली. त्यातून त्यांना पैसे मिळाले. यातूनच त्यांनी त्यांच्या शिक्षणाचा खर्च भागवला. (UPSC Success Story)

उम्मुल खैर यांना बोन फ्रैजाइल डिसॉर्डर नावाचा आजार होता. यात त्यांच्या शरीरातील हाडे कमजोर होतात. त्यामुळे हाडे तुटतात. त्यांच्या पायात १६ फ्रॅक्चर होते. त्यामुळे त्यांची १६ वेळा सर्जरी करावी लागली.उम्मुल यांनी लहानपणापासूनच आयएएस व्हायचे होते. त्यांनी पीएचडी केल्यानंतर यूपीएससी परीक्षेची तयारी केली. त्यांनी पहिल्याच प्रयत्नात यूपीएससी परीक्षा क्लिअर केली.