लाडक्या बहिणींसाठी मोठी बातमी समोर आली आहे.जर निकष डावलून लाडकी बहीण योजनेचा लाभ घेतला असल्यास कारवाई होण्याची शक्यता आहे. तुम्हाला दिलेले पैसे परत सरकारजमा होऊ शकतात. कारण एका महिलेकडून 5 महिन्यांचे साडे सात हजार रुपये परत घेण्यात आले आहेत. धुळे जिल्ह्यातल्या नकाणे गावातल्या एका महिलेनं सरकारी योजनेचा दुबार लाभ घेतल्याचं चौकशीत निष्पन्न झालं. त्यामुळे लाडकी बहीण योजनेचे पैसे तिला परत करण्यास सांगण्यात आले. (Ladki Bahin Yojana Update)

महायुती सरकार सत्तेत आल्यानंतर लाडकी बहीणच्या अर्जांची पडताळणी करण्याचा निर्णय घेण्यात आलाय. निकषात न बसणाऱ्यांना अपात्र ठरविलं जाणार आहे. लाडक्या बहि‍णींच्या अर्जाची तपासणी केली जाणार आहे. त्यात जर तुम्ही अटींमध्ये बसत नसाल आणि तुम्ही तरीही योजनेचा लाभ घेतला तर तुमच्यावर कारवाई होऊ शकते.

धुळ्यातील एका महिलेने लाडकी बहीण योजनेचा दुबार लाभ घेतला आहे. त्यामुळे या महिलेचे पैसे परत घेण्यास आले आहे. या योजनेत ज्या महिला निकषांमध्ये बसत नाही त्यांचेही पैसे परत घेतले जाऊ शकतात.

लाडकी बहीण योजनेचे निकष काय? (Ladki Bahin Yojana Eligibility Criteria)

लाडकी बहीण योजनेचा अर्ज करणारी महिला महाराष्ट्राची रहिवासी असावी.

लाडकी बहीण योजनेचा लाभ घेणाऱ्या महिलांच्या कुटुंबाचे उत्पन्न २.५ लाखांपेक्षा कमी हवे.

महिलेच्या कुटुंबातील कोणताही सदस्य सरकारी नोकरीत नसावे. आमदार किंवा खासदाराच्या कुटुंबातील महिलांना या योजनेचा लाभ घेऊ शकणार नाही.

ज्या महिलांच्या कुटुंबातील सदस्य टॅक्स भरतात त्यांना या योजनेचा लाभ मिळणार नाही. चारचाकी वाहन असल्यासदेखील तुम्हाला पैसे मिळणार नाहीत.

जर महिला सरकारी नोकरीत असतील तर त्यांनाही या योजनेअंतर्गत लाभ मिळणार आहे.