महाराष्ट्र सरकारने मुख्यमंत्री माझी लाडकी बहीण योजना सुरु केली आहे. या योजनेअंतर्गत महिलांना दर महिन्याला १५०० रुपये देण्यात येणार आहे. या योजनेत अनेक महिलांनी अर्ज केले होते. १४ ऑगस्ट २०२४ रोजी महिलांच्या खात्यात हप्ता जमा झाला. दोन महिन्याचे पैसे एकत्र जमा करण्यात आले. मात्र, अजूनही अनेक महिलांना पैसे आले नाही. तुमच्या खात्यात पैसे का जमा झाले नाहीत त्यामागचे कारण काय आणि ते कसं चेक करायचं ते जाणून घ्या.

लाडकी बहीण योजनेअंतर्गत महिलांना १५०० रुपये दिले जात आहेत.ज्या महिलांना पैसे मिळाले नाहीत त्यांना सप्टेंबर महिन्यात ४५०० रुपये दिले जाणार आहे. तीन महिन्यांचा हप्ता एकत्रितपणे दिला जाणार आहे. परंतु त्यासाठी तुमच्या बँकेचा अकाउंट नंबर आधार कार्डशी लिंक असणे गरजेचे आहे. जर तुमच्या फॉर्ममध्ये काही चुक झाली असेल तर तुम्हाला पैसे येणार नाही.

खात्यात पैसे जमा झालेत की नाही असे चेक करावे?

लाडकी बहीण योजनेचा लाभ घेतलेल्या महिलांच्या अकाउंटला पैसे आलेत की नाही ते तुम्हील ४ पद्धतीने चेक करु शकतात.

सर्वप्रथम तुमच्या बँक अकाउंटशी लिंक असलेल्या नंबरवर मेसेज येईल. तुमचे पैसे जर जमा झाले असतील तर तुम्हाला त्या मेसेजद्वारे समजेल.

तुम्ही तुमच्या कस्टमर केअरला फोन करुन अकाउंटमध्ये पैसे जमा झालेत की नाही ते चेक करु शकतात.

तुम्ही ऑनलाइन बँकिंग अॅपद्वारे बँक स्टेटमेंट डाउनलोड करु शकतात. या स्टेंटमेंटवरुन तुमच्या अकाउंटमध्ये पैसे जमा झालेत की नाही ते समजेल.

तुम्ही बँकेत जाऊनदेखील लाडकी बहीण योजनेचे पैसे जमा झालेत की नाही ते चेक करु शकतात. बँक कर्मचारी तुम्हाला याबाबत सर्व माहिती देतील.