एप्रिल महिना संपत आला आहे. उद्यापासून मे महिना सुरु होईल तरीही महिलांच्या खात्यात अजून मागच्याच महिन्याचा हप्ता जमा झालेला नाही. महिलांना मार्च महिन्याचेच पैसे मिळालेले नाही. महिलांना मार्च आणि एप्रिलचा हप्ता एकत्र मिळण्याची शक्यता वर्तवण्यात आली होती. मात्र, अजूनही त्याबाबत काहीही घोषणा केलेली नाही.त्यामुळे महिलांच्या मनात अनेक प्रश्न निर्माण झाले आहेत.

लाडकी बहीण योजनेत महिलांना फेब्रुवारीपर्यंतचे हप्ते देण्यात आले आहेत. त्यानंतरचा मार्च आणि एप्रिलचा हप्ता अजूनही आलेला नाही. आजच्या दिवसात लाडकी बहीण योजनेच्या हप्त्याबाबत घोषणा होऊ शकते.

लाडकी बहीण योजनेत महिलांना या महिन्यात फक्त मार्चचा हप्ता मिळणार की मार्च आणि एप्रिलचे दोन्ही हप्ते एकत्र येणार असा प्रश्न विचारला जात आहे. मागच्या महिन्यातदेखील दोन हप्ते एकत्र येणार असल्याची चर्चा सुरु होती. मात्र, महिलांना एकाच महिन्याचे पैसे देण्यात आले. त्यामुळे या महिन्यातदेखील लाडक्या बहि‍णींना १५०० की ३००० रुपये मिळणार हे पाहणं उत्सुकतेचं ठरणार आहे

लाडक्या बहिणींसाठी आज शेवटची संधी (Ladki Bahin Yojana eKYC Deadline Today)

लाडकी बहीण योजनेच्या लाभार्थ्यांकडे केवायसीमध्ये दुरुस्ती करण्याची शेवटची संधी आहे. ज्या महिलांनी केवायसीमध्ये चुका केल्या आहेत त्या चुका सुधारण्याची ही शेवटची संधी आहे. जर तुम्ही आज केवायसी केली नाही तर तुमचा लाभ बंद होणार आहे. तुम्हाला इथून पुढे योजनेचा लाभ मिळणार नाही. त्यामुळे महिलांनी आज संध्याकाळपर्यंत केवायसी करायची आहे.