Ladki Bahin Yojana eKYC: आधार नंबर टाकूनही ओटीपी येत नाही; लाडक्या बहिणींना ईकेवायसी करताना अडचणी

लाडकी बहीण योजनेच्या लाभार्थ्यांसाठी महत्त्वाची बातमी आहे. आता लाडकी बहीण योजनेत केवायसीमध्ये दुरुस्ती करण्यासाठी अवघे २ दिवस उरले आहेत. अजूनही अनेक महिलांनी केवायसी न केल्याची माहिती समोर आली आहे. त्यामुळे महिलांची तारांबळ उडाली आहे. दरम्यान, आता केवायसी करताना महिलांना अनेक तांत्रिक अडचणींचा सामना करावा लागत आहेत.

ईकेवायसीसाठी उरले शेवटचे दोन दिवस (Ladki Bahin Yojane eKYC Deadline)

ईकेवायसीसाठी दोन दिवस शिल्लक असतानाच महिलांच्या अडचणीत वाढ झाली आहे. योजनेच्या अधिकृत वेबसाईटवर ई केवायसी होत नसल्याने महिला अडचणीत आल्या आहेत.ईकेवायसीसाठी आधार नंबर टाकल्यानंतर हा आधार क्रमांक दुरुस्तीच्या यादीत नाही असल्याच्या मेसेज येत आहे. त्यामुळे पुढील प्रोसेस होत नाही.

ओटीपी येत नसल्याने केवायसी करण्यास अडचणी (Ladki Bahin Yojana eKYC Mistakes)

दरम्यान, दुसरीकडे आधार नंबर टाकून ओटीपी मोबाईल क्रमांकावर येत नसल्याने इ ईकेवायसी करण्यास अडचण येत आहे. लाडकी बहीण योजनेच्या अधिकृत वेबसाईटवर तांत्रिक अडचणींचा महिलांना फटका बसत आहे. त्यामुळे महिलांच्या मनात भीतीचे वातावरण निर्माण झाले आहे.

लाडकी बहीण योजनेत ईकेवायसी केल्याशिवाय महिलांना योजनेचा लाभ मिळणार नाहीये. त्यामुळे महिलांना केवायसी करावीच लागणार आहे. यासाठी शेवटचे काही तास उरले आहेत. त्यामुळे महिलांनी आता वेबसाइटवर जाऊन केवायसी करण्यास सुरुवात केली आहे. दरम्यान, केवायसी होत नाहीये, अशा तक्रारी येत आहे. त्यामुळे लवकरात लवकर या अडचणींवर मार्ग काढण्याची मागणी महिलांनी केली आहे.