Ladki Bahin Yojana: लाडकी बहीण योजनेबाबत सरकारचा मोठा निर्णय! या महिलांकडून ₹१५०० परत घेणार

लाडकी बहीण योजनेबाबत सरकारने मोठा निर्णय घेतला आहे. सरकारने आता लाडकी बहीण योजनेसाठी पात्र नसतानाही लाभ घेतलेल्यांवर कारवाई करण्याचे ठरवले आहे. लाडकी बहीण योजनेचा चुकीच्या पद्धतीने लाभ घेणाऱ्यांकडून पैसे वसूली केली आहे. सध्याच्या आकडेवारीनुसार, सरकारने आतापर्यंत लाभार्थ्यांकडून ११ कोटी रुपये वसूल केले आहे. या योजनेत अनेकांनी निकषात बसत नसतानाही लाभ घेतला आहे. धक्कादायक म्हणजे हजारो सरकारी कर्मचाऱ्यांनी योजनेचा लाभ घेतला आहे. सरकारी कर्मचारी या योजनेचा लाभ घेऊ शकत नाही.

कारवाई होईल या भीतीने काही लाभार्थ्यांनी स्वतः च्या इच्छेने पैसे परत केले आहेत. त्यांनी योजनेतून आपली नावे काढून टाकली आहेत. धक्कादायक म्हणजे, हजारो पुरुषांनीही या योजनेचा लाभ घेतला आहे. ऑक्टोबर २०२५ पर्यंत, जवळपास १२,४३१ पुरुष आणि ७७,९८० अपात्र महिलांच्या खात्यात पैसे जमा करण्यात आले होते. या महिलांना तब्बल १६४.५२ कोटी रुपये देण्यात आले आहेत.

महिला व बालविकास विभागाचे सचिव अनुप कुमार यांनी याबाबत माहिती दिली आहे. पुरष लाभार्थ्यांकडून लवकरच वसुली केली जाईल, प्रशासकीय अधिकाऱ्यांनी या अनियमिततेला केवळ सुरुवात म्हटलं आहे. भविष्यात मोठे घोटाळे उघड होऊ शकतात.

सध्या योजनेअंतर्गत १.५७ कोटी महिला लाभार्थी आहेत. योजनेसाठी ३६,००० कोटींचा निधी मंजूर करण्यात आला आहे. या योजनेत ईकेवायसीची मुदत वाढवण्यात आली आहे. आता महिला ३० एप्रिल २०२६ पर्यंत केवायसीमध्ये दुरुस्ती करु शकतात.