लाडकी बहीण योजनेत आता लाभार्थ्यांना केवायसी करणे अनिवार्य केले आहे. एवढेच नाही तर लाभार्थी महिलांच्या पती किंवा वडिलांचेही केवायसी करणे अनिवार्य केले आहे. जर तुम्ही केवायसी केले नाही तर तुम्हाला योजनेचा लाभ मिळणार नाहीये. या योजनेत केवायसी करण्यासाठी दोन महिन्यांचा कालावधी दिलेला आहे. या काळात तुम्हाला ई केवायसी करायचे आहे. आतापर्यंत अनेक महिलांनी ई केवायसी केले आहे.दरम्यान, अनेक महिलांना केवायसी करण्यात अडचणी येत आहेत.

लाडकी बहीण योजनेत केवायसी करताना तुम्हाला आधार कार्डबाबत माहिती अपलोड करायची आहे. दरम्यान,यानंतर तुमच्या रजिस्टर मोबाईल नंबरवर ओटीपी येतो. दरम्यान, अनेक महिलांना ओटीपी तर येत आहे मात्र, पुढे फॉर्म प्रोसेस होत नाहीये. त्यामुळेच महिलांच्या मनात अनेक प्रश्न निर्माण झाले आहेत. महिलांना पुढे फॉर्मच भरता येत नाहीये. काही जणांनी खूप वेळा ओटीपी टाकून पुढे प्रोसेस करण्याचा प्रयत्न केला मात्र, त्याचा काहीच फायदा होत नाहीये, अशा तक्रारी महिला करत आहेत.

ई केवायसी करताना अडचणी आल्यास काय करावे?

लाडकी बहीण योजनेत तुम्हाला ऑनलाइन पद्धतीने केवायसी करायचे आहे. दरम्यान, यासाठी तुम्हाला अधिकृत वेबसाइटवर जाऊन माहिती भरायची आहे. दरम्यान, या वेबसाइटवर हजारो महिला एकाचवेळी केवायसी करण्याचा प्रयत्न करत आहे. त्यामुळे साइट लोड होत नाहीये. यामुळे पुढे प्रोसेस पूर्ण होत नाहीये. त्यामुळे तुम्ही रात्रीच्या वेळी केवायसी करण्याचा प्रयत्न करा. त्यावेळी जास्त कोणी केवायसी करत नसेल. त्यामुळे रात्री १२ नंतर किंवा पहाटे केवायसी करण्याचा प्रयत्न करा. साइटवर जर खूप जणांनी एकत्र केवायसी करण्याचा प्रयत्न केला आहे. त्यामुळे हे केवायसी होत नाहीये.

केवायसी करता फेक वेबसाइट

लाडकी बहीण योजनेत केवायसी करताना अनेक अडचणी येत आहेत. त्यातील सर्वात मोठी अडचण म्हणजे फेक वेबसाइट. लाडकी बहीण योजनेच्या नावाखाली फेक वेबसाइट सुरु करण्यात आल्या आहे. या वेबसाइटवर जाऊन तुम्ही केवायसी करु नका, अन्यथा तुम्हाला आर्थिक नुकसान होऊ शकते. त्यामुळे केवायसी करताना नेहमी अधिकृत वेबसाउटवर जा.