Ladki Bahin Yojana : लाडकीला e-KYC सक्तीची, पण सर्व्हर डाऊनमुळे अडचण, आता काय करणार?

लाडकी बहीण योजनेच्या लाभार्थ्यांना केवायसी करणे अनिवार्य आहे. यासाठी दोन महिन्यांची मुदत देण्यात आली आहे. यासाठी अनेक महिलांनी ई केवायसी केलेदेखील आहे. मात्र, अनेक महिलांना ई केवायसी करताना अनेक अडचणींचा सामना करावा लागत आहे. वेबसाइटवर अनेक तांत्रिक अडचणी आहेत. त्यामुळे ई केवायसी होत नाहीये. यामुळेच लाडक्या बहिणी सध्या टेन्शनमध्ये आल्या आहेत.

लाडक्या बहि‍णींना केवायसी करताना अडचण (Ladki Bahin Yojana KYC)

लाडकी बहीण योजनेत केवायसी करताना वेबसाइटवर अडचणी येत आहे. वेबसाइट लोड होत नाहीये.तसेच फॉर्म भरताना अनेक अडचणी येत आहे. एकतर कागदपत्रे अपलोड होत नाहीये. कागदपत्रे अपलोड झाली तर मोबाईल नंबरवर ओटीपी येण्यात अडचणी येत आहेत. त्यामुळे केवायसी करणे राहून जात आहेत.

गावाखेड्यातील महिलांना ई केवायसी करताना अनेक अडचणी येत आहेत. फॉर्म ओपन होत नसल्याने त्यांना अनेकदा सायबर कॅफेमध्ये फेऱ्या घालाव्या लागत आहेत. यामुळे त्यांचा वेळ आणि पैसा वाया जात आहेत. त्यामुळे महिलांना काय करावे असा प्रश्न पडत आहे.

केवायसी करताना एरर येत असेल तर काय करावे?

लाडकी बहीण योजनेची केवायसी प्रोसेस सुरु झाली आहे. केवायसी करताना अनेकदा साइट लोड होत नाही. यामागचे कारण अे की, अनेकजण एकाचवेळी वेबसाइटवर जाऊन केवायसी करत आहे. त्यामुळे साइट लोड होत नाहीये. यामुळे तुम्ही रात्री १२ नंतर किंवा पहाटेच्या सुमारास केवायसी करा जेणेकरुन कोणताही प्रॉब्लेम होणार नाही. याचसोबत जर तुम्हाला ओटीपी येत नसेल तर यासाठी नेटवर्क प्रॉब्लेम असू शकतो.त्यामुळे तुम्हाला काही काळानंतर ओटीपी येईल.