आयटीआर (ITR) फाइल करण्याची शेवटची तारीख १५ सप्टेंबर २०२५ आहे. आयटीआर फाइल करण्यासाठी अवघे काही दिवस उरले आहेत. तरीही अद्याप लाखो करदात्यांनी आयटीआर फाइल केला नाही. त्यामुळे ज्यांनी आयटीआर फाइल केला नाही त्यांनी लवकरात लवकर करावा. दरवर्षीप्रमाणे यावर्षी आयटीआर फाइल करणाऱ्यांची संख्या कमी आहे.

आतापर्यंत किती आयटीआर फाइल झाले?

४ सप्टेंबर २०२५ च्या आकडेवारीनुसार ४.५६ कोटींहून अधिक करदात्यांनी आयटीआर फाइल केले आहेत. त्यातील ४.३३ कोटींपेक्षा जास्त लोकांचे आयटीआर ई-व्हेरिफाय झाले आहेत.परंतु अजूनही ३.१७ कोटी आयटीआर प्रोसेस बाकी आहेत. त्यामुळे या करदात्यांनी आयटीआर फाइल करावे, असं सांगण्यात येत आहे. उरलेल्या ११ दिवसांत ३ कोटींपेक्षा जास्त लोकांना आयटीआर फाइल करायचे आहे.

मागील वर्षी म्हणजे ३१ जुलै २०२४पर्यंत ७.२८ कोटी आयटीआर फाइल करण्यात आले होते. त्यामुळे मागच्या वर्षीच्या तुलनेत यावर्षी खूप कमी लोकांनी आयटीआर फाइल केले आहेत.

१५ सप्टेंबरपर्यंत कोणी आयटीआर फाइल करावेत?

२०२५-२६ आर्थिक वर्षासाठी आयटीआर फाइल करण्याची शेवटची तारीख १५ सप्टेंबर आहे. ज्या लोकांना आॉडिट करायचे नाही त्यांच्यासाठी आयटीआर फाइल करण्याची शेवटची तारीख १ सप्टेंबर आहे. दरम्यान, ज्या करदात्यांना ऑडिट करायचे आहे त्यांच्यासाठी ही मुदत वेगळी आहे. दरवर्षी ३१ जुलै २०२५ ही आयटीआर फाइल करण्याची शेवटची तारीख असते. दरम्यान, यावर्षी काही तांत्रिक कारणांमुळे आयटीआर फाइल करण्याची शेवटची तारीख वाढवण्यात आली आहे. दरम्यान, ज्या करदात्यांना ऑडिट करायचे आहे त्यांच्यासाठी आयटीआर फाइल करण्याची शेवटची तारीख ३१ सप्टेंबर आहे.

आयटीआर फाइल न केल्यास काय होणार? (What Happen If We File ITR After Deadline)

जर तुम्ही वेळेवर आयटीआर फाइल केला नाही तर तुम्हाला दंड भरावा लागेल. ज्या करदात्यांनी १५ सप्टेंबरपर्यंत आयटीआर फाइल केले नाही त्यांना ३१ डिसेंबरपूर्वी बिलेटेड आयटीआर फाइल करता येणार आहे. परंतु यासाठी त्यांना ५००० रुपयांचा दंड भरावा लागणार आहे.