OBC Reservation : लक्ष्मण हाकेंनी सरकारविरोधात दंड थोपटले; आंदोलनातून आंदोलनाला प्रत्युत्तर देणार, VIDEO

हाकेंचा हा संताप आहे, मराठा आरक्षणासाठी सरकारनं काढलेल्या नव्या जीआर विरोधात... जरांगें पाटलांनी मंत्रिमंडळ उपसमितीकडून भरसभेत मागण्या वदवून घेतल्यानंतर ओबीसी समाजही आता आक्रमक झालाय.

एवढंच नाही तर हाकेंनी थेट मुख्यमंत्र्यांसह जरांगेंना मदत करणाऱ्या नेत्यांवरही बहिष्कार टाकण्याचं आवाहन ओबीसी समाजाला केलयं. GFX -त्यात खासदार बजरंग सोनावणे, आमदार अभिजीत पाटील, आमदार उत्तम जानकर, आमदार प्रकाश सोळंके, आमदार विजयसिंह पंडित, खासदार कल्याण काळे, खासदार रविंद्र चव्हाण, माजी विरोधीपक्षनेते अंबादास दानवे, आमदार बाबासाहेब देशमुख याच्या नावाचा उल्लेख हाकेंनी केलाय.

हाकेंचं आवाहन, 'त्या' नेत्यांवर बहिष्कार

हाकेंनी सरकारच्या निर्णयाविरोधात ओबीसी संघर्ष यात्रा सुरु करणार असल्याची घोषणा केलीय. तसचं उपमुख्यमंत्री अजित पवारांनीही त्यांनी खुलं आव्हान दिलयं...

आरक्षणाचा जीआर मिळाल्यानंतर जरांगेंनी तलावार म्यान केलेली असताना आता ओबीसींनी उपोषणाचं हत्यार उपसलंय. त्यामुळे हाकेंच्या आंदोलनामुळे सत्ताधाऱ्यांपुढे आणखी पेच निर्माण होणार आहे.. त्यामुळे आरक्षणाची न्यायालयीन लढाई ते ओबीसींची रस्त्यावरची लढाई यातून मार्ग काढण्यासाठी सरकारची कसोटी लागणार...