आधार कार्ड हे प्रत्येक भारतीयांसाठी महत्त्वाचे कागदपत्र आहे. आधार कार्डला मोबाईल नंबर लिंक असणे अनिवार्य आहे. जर तुमचे आधार कार्ड आणि मोबाईल नंबर लिंक नसेल तर अनेक अडचणी येऊ शकतात. दरम्यान, तुमचा जो नंबर आधार कार्डला लिंक आहे तो बंद झाला असेल तर काय करावे असा प्रश्न अनेकांना पडलेला असतो.

तुम्ही तुमचा नवीन नंबरदेखील आधार कार्डशी लिंक करु शकतात.यासाठी ऑनलाइन खूप सोपी पद्धत आहे. आधार कार्ड आणि मोबाईल नंबर लिंक करायची ऑनलाइन प्रोसेस जाणून घ्या.

आधार कार्डला नवीन मोबाईल नंबर कसा लिंक करायचा? (How to link new mobile to aadhaar card)

सर्वात आधी तुम्हाला इंडियन पोस्टल सर्व्हिसच्या वेबसाइटवर जायचे आहे.

यानंतर तुम्हाला तुमचे नाव, मोबाईल नंबर आणि वैयक्तिक माहिती टाकायची आहे.

यानंतर तुम्हाला PPB Aadhaar Services ऑप्शन दिसेल.

यानंतर तुम्हाला Mobile/Email to Aadhaar Linking/Update टॅब दिसेल. यानंतर अपडेटच्या ऑप्शनवर क्लिक करा.

यानंतर तुमच्या फोनवर ओटीपी येईल. यानंतर Confirm Service Request दिसेल. त्यावर क्लिक करा.

यानंतर ही रिक्वेस्ट पोस्ट ऑफिस आणि सरकारी आधार सेंटरवर जाईल.

यानंतर तुम्हाला पोस्ट ऑफिसमध्ये जाऊन बायोमॅट्रिक व्हेरिफकेशन पूर्ण करुन मोबाईल अपडेट करु शकतात.

यानंतर तुम्हाला बायोमॅट्रिकसोबतच फॉर्म भरायचा आहे. यामध्ये नवीन नंबर टाकायचा आहे.

याचसोबत तुम्ही तुमच्या घराजवळच्या आधार एनरोलमेंट सेंटरवर जाऊनदेखील हा मोबाईल नंबर अपडेट करु शकतात.

यासाठी तुम्हाला ५० रुपये शुल्क भरावे लागेल.

या प्रोसेसनंतर तुम्हाला रिक्वेस्ट नंबर URN मिळणार आहे. यावर जाऊन तुम्ही अपडेट स्टेट्‍स पाहू शकतात.