सोमनाथ सूर्यवंशी मृत्यू प्रकरण; कायद्यातील त्रुटींवरून ॲड. प्रकाश आंबेडकरांचा सरकारवर हल्लाबोल

परभणीतील सोमनाथ सूर्यवंशी यांच्या पोलीस कोठडीतील हत्या प्रकरणाची आज मुंबई उच्च न्यायालयाच्या औरंगाबाद खंडपीठात सुनावणी पार पडली. या प्रकरणात वंचित बहुजन आघाडीचे राष्ट्रीय अध्यक्ष ॲड. प्रकाश आंबेडकर यांनी न्यायालयात बाजू मांडली. यावेळी त्यांनी कायद्यातील गंभीर त्रुटींकडे लक्ष वेधले.

सुनावणीवेळी पोलीस खाते आणि गृहखात्याच्या मुख्य सचिवांच्या वतीने प्रतिज्ञापत्र दाखल करण्यात आलंय. परंतु आंबेडकर यांनी BNS १९६ मधील एका मोठ्या त्रुटीवर बोट ठेवले. कोठडीतील मृत्यूनंतर मॅजिस्ट्रेटने चौकशी केल्यानंतर पुढे नक्की कोणती पावले उचलावीत, याबाबत कायद्यात तरतूद नाहीये. तसेच केंद्र आणि राज्य सरकारने या कायद्यात आवश्यक सुधारणा किंवा दुरुस्ती केलेली नाही, असे आंबेडकरांचं म्हणणं आहे.