१५ ऑगस्ट हा प्रत्येक भारतीयांसाठी खूप महत्त्वाचा दिवस असतो. १५ ऑगस्ट रोजी संपूर्ण देशात स्वातंत्र्य दिन साजरा केला जातो. स्वातंत्र्यदिनानिमित्त हर घर तिरंगा ही मोहिम सुरु करण्यात आली आहे. यावर्षी या अभियानाचे तिसरे वर्ष आहे.या मोहिमेअंतर्गत तुम्ही तुमच्या घरासमोर तिरंगा फडकवत सेल्फी अपलोड करायचा आहे.

'हर घर तिरंगा' मोहिमेअंतर्गत संपूर्ण देशातील नागरिकांना तिरंगा हातात घेऊन आपल्या सेल्फी काढायला सांगितले आहे.हा सेल्फी तुम्हाला हर घर तिरंगा या मोहिमेच्या वेबसाइटवर अपलोड करायचा आहे. त्यानंतर तुम्हाला सर्टिफिकेट देण्यात येईल. चला तर मग जाणून घेऊया या योजनेत सेल्फी कसा अपलोड करायचा आणि सर्टिफिकेट कसं मिळवायचं.

सर्वप्रथम तुम्हाला हर घर तिरंगाच्या अधिकृत वेबसाइट https://harghartiranga.com/ या वेबसाइटला भेट द्यायची आहे. याच वेबसाइटवर तुम्हाला सेल्फी अपलोड करायचा आहे.

या वेबसाइटवर जाऊन तुम्हाला Click To Participate या ऑप्शनवर क्लिक करायचे आहे.

यानंतर तुमची आवश्यक माहिती भरायची आहे. यात तुम्हाला तुमचे नाव, फोन नंबर, देश, राज्य ही माहिती भरायची आहे.

संपूर्ण माहिती भरल्यानंतर तुम्हाला Pledge या ऑप्शनवर क्लिक करा.

यानंतर तुम्हाला तुमचे सर्टिफिकेट बनवण्यासाठी Genrate Certificate या पर्यायावर क्लिक करा. त्यानंतर तुम्हाला सर्टिफिकेट मिळेल.