Government Employee News : सरकारी कर्मचाऱ्यांसाठी आनंदाची बातमी आहे. आता २० वर्षांच्या सेवेवर पूर्ण पेन्शन मिळणार आहे. दिवाळीपूर्वी केंद्रीय कर्मचाऱ्यांना मोठी भेट देण्यात आली आहे. नव्या नियमांनुसार, आता यूपीएस अंतर्गत २० वर्षांच्या सेवेवरही पूर्ण पेन्शन मिळणार आहे. यूपीएस निवडणाऱ्या कर्मचाऱ्यांना पेन्शनशिवाय इतर अनेक सुविधा देखील मिळणार आहेत. एखादा कर्मचारी सेवेदरम्यान अपंग झाला किंवा कोणत्या कारणाने त्याचा मृत्यू झाला. तर मृत्यूनंतर त्याच्या कुटुंबाला सीसीएस पेन्शन नियम किंवा यूपीएस नियमांनुसार पर्याय निवडण्याचा अधिकार असेल. यामुळे कुटुंबाला सुरक्षित पेन्शनचा लाभ मिळू शकेल.

केंद्र सरकारच्या कार्मिक, सार्वजनिक तक्रार आणि पेन्शन मंत्रालयाने युनिफाइड पेन्शन योजनेशी संबंधित नियम अधिसूचित केले आहे. नव्या योजनेअंतर्गत, आता कर्मचाऱ्यांना २० वर्ष नियमित सेवा पूर्ण केल्यानंतर निवृत्तीचा लाभ मिळेल. त्यांना पेन्शनचा लाभ मिळेल. पूर्वी २५ वर्षांची मर्यादा होती. ही मर्यादा आता वाढवून २० वर्षांपर्यंत करण्यात आली आहे.

यूपीएस निवडणाऱ्या कर्मचाऱ्यांना पेन्शनशिवाय इतर अनेक सुविधा देखील मिळताली. जर एखादा कर्मचारी सेवेदरम्यान अपंग झाला किंवा काही कारणास्तव त्याचा मृत्यू झाला, तर (अपंगत्वाच्या बाबतीत कर्मचारी) कर्मचाऱ्यांच्या मृत्यूनंतर त्याच्या कुटुंबाला सीसीएस पेन्शन नियम किंवा यूपीएस नियमांनुसार पर्याय निवडण्याचा अधिकार असेल. यातून सुरक्षित पेन्शनचा लाभ कर्मचाऱ्यांच्या कुटुंबियांना मिळेल.

केंद्र सरकारने १ एप्रिल २०२५ रोजी राष्ट्रीय पेन्शन योजनेला पर्याय म्हणून यूपीएस योजना लागू केली. कर्मचारी आणि सरकार दोघेही या योजनेमध्ये योगदान देतात. नोंदणी किंवा योगदान जमा होण्यास विलंब झाल्यास, सरकार कर्मचाऱ्यांना भरपाई देखील देते. कर्मचारी त्यांच्या निवृत्तीच्या एक वर्ष आधी किंवा व्हीआरएस घेण्याच्या ३ महिने आधी ही योजना निवडू शकतात.