लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे. लाडकी बहीण योजनेच्या लाभार्थ्यांकडे केवायसी करण्यासाठी आता शेवटची संधी उरली आहे. लाडकी बहीण योजनेत ईकेवायसीत दुरुस्ती करण्यासाठी अवघे काही तास उरले आहेत. दरम्यान, जर केवायसी केली नाही तर महिलांचा लाभ कायमचा बंद केला जाणार आहे. दरम्यान, आता लाडक्या बहि‍णींसाठी दिलासादायक बातमी समोर आली आहे. लाडकी बहीण योजनेच्या ईकेवायसीसाठी मुदतवाढ मिळण्याची शक्यता वर्तवल जात आहे. आता ३१ डिसेंबरपर्यंत ज्या महिलांनी केवायसी केले नाही त्यांना संधी मिळू शकते.

केवायसीसाठी मुदतवाढ मिळणार (Ladki Bahin Yojana eKYC Deadline May Extended)

लाडकी बहीण योजनेत केवायसी करण्याची शेवटची संधी ३१ डिसेंबर होती. दरम्यान तोपर्यंत लाखो महिलांनी केवायसी केलेली नाही. त्यामुळे महिलांचे लाभ बंद झाले आहेत. आता या महिलांना केवायसी करण्याची पुन्हा एकदा संधी मिळू शकते. लाडकी बहीण योजनेत ईकेवायसी करण्यासाठी अनेक महिलांनी दुर्लक्ष केले. परिणामी त्यांचा लाभ बंद करण्यात आला. परंतु आता या महिलांचा लाभ पुन्हा सुरु होऊ शकतो. महिलांना जर केवायसी करण्याची संधी मिळाली तर त्या पुन्हा केवायसी करु शकतात.

सोलापूरातील एकूण ११ लाख ५६३ महिलांनी लाडकी बहीण योजनेसाठी अर्ज केला होता. त्यातील दीड लाख महिलांनी केवायसी केलीच नाही. राज्यातील जवळपास १७ लाख महिलांची केवायसी बाकी आहे. दरम्यान, आता केवायसीची संधी न देता १७ लाख महिलांचा लाभ बंद करणे हे सरकारला परवडणारे नाही, त्यामुळे महिलांना एक संधी मिळू शकते. असं वरिष्ठ अधिकाऱ्यांनी सांगितले. याबाबत सकाळने वृत्त दिले आहे.

केवायसीत दुरुस्तीची आज शेवटची तारीख (Ladki Bahin Yojana eKYC Mistake Error Deadline Today)

लाडकी बहीण योजनेत केवायसी करताना अनेक महिलांना प्रश्न समजले नाही त्यामुळे त्यांनी चुकीची उत्तरे दिली. यामुळे महिलांचा लाभ बंद करण्यात आला आहे. आता याच महिलांना केवायसीमध्ये दुरुस्ती करण्यासाठी संधी देण्यात आली आहे. ही मुदत ३१ मार्चपर्यंतच होती. मात्र, ही मुदत वाढवून ३० एप्रिल करण्यात आली. म्हणजेच केवायसीतील दुरुस्तीसाठी आजच शेवटचा दिवस आहे. त्यामुळे महिलांनी लवकरात लवकर हे काम करा.