सोने-चांदीच्या दरात सतत चढ-उतार होताना दिसत आहे. सोन्याच्या दरात मागच्या आठवड्यात घसरण झाली होती. एका आठवड्यात २४ कॅरेट सोन्याचे दर ३९८० रुपयांनी घसरले आहेत. तर २२ कॅरेट सोन्याचे दरदेखील घसरले आहे.

आजदेखील सोन्याचे दर घसरले आहेत. मुंबईत सोन्याचे २४ कॅरेटचे दर १ तोळ्यामागे १५६६०० रुपये झाले आहेत. आंतरराष्ट्रीय बाजारात सोन्याचे दर ५०८७.७३ डॉलर झाले आहेत. मागच्या आठवड्याभरात सोन्याचे दर सतत घसरताना दिसत आहेत.यामुळे खरेदीदारांना थोडासा दिलासा मिळाला आहे.

मुंबईतील सोन्याचे दर (Gold Rate in Mumbai)

मुंबईत २२ कॅरेट सोन्याचे दर प्रति तोळा १४३५५० रुपये आहेत. २४ कॅरेटचे दर १५६६०० रुपये आहेत.

पुण्यातील सोन्याचे दर (Gold Rate in Pune)

पुण्यात सोन्याचे दर २४ कॅरेटचे १५६६००रुपये झाले आहेत.२२ कॅरेट सोन्याचे दर प्रति तोळ्यामागे १४३५५० रुपये झाले आहेत.

चांदीचे दर घसरले (Silver Rate Fall)

चांदीच्या दरातदेखील मागच्या आठवड्यात घसरण झाली आहे. एका आठवड्यात सोन्याचे दर ६५००० रुपयांनी घसरले आहेत. आज चांदीचे दर प्रति किलोमागे २८५००० रुपये झाले आहे.३० जानेवारी रोजी चांदीचे दर ४ लाखांपेक्षा जास्त होते. हे दर जवळपास सव्वा दोन लाखांनी घसरले आहेत.

सोन्याचे दर सतत घसरत आहेत. दोन आठवड्यांपूर्वी सोन्याने उच्चांक गाठला होता. सोन्याचे दर १,८२,००० रुपयांपर्यंत पोहचले होते. त्यानंतर आता हे दर १,५६,००० रुपये झाले आहेत. मागच्या दोन आठवड्यात सोन्याचे दर २६,००० रुपयांनी घसरले आहेत. सोन्याचे दर असंच घसरत राहिले तर खरेदीदारांना फायदा होणा आहे. सणासुदीच्या काळात सोने खरेदीचे प्रमाण वाढू शकते.