Gold Silver Rate Today: अर्थसंकल्पाआधीच गुडन्यूज! सोनं ₹१३००० तर चांदी २७००० रुपयांनी घसरली

Gold-Silver Rate Today: आज अर्थसंकल्पाआधीच सर्वसामान्यांसाठ दिलासदायक बातमी समोर आली आहे. आज सकाळीच सोने-चांदीच्या दरात घसरण झाली आहे. मागच्या आठवड्याभरात सोने-चांदीच्या किंमती चांगल्याच घसरल्या होत्या. दरम्यान, आज एकाच दिवशी चांदी ३० टक्के तर सोनं १७ टक्क्यांनी घसरले आहेत.

रविवारी सकाळी शेअर मार्केट सुरु होताच मोठी घसरण पाहायला मिळाली. शेअर मार्केटसोबतच सोने-चांदीच्या किंमतीही घसरल्या आहेत. आज १ किलो चांदीच्या दरात २७००० रुपयांची घसरण झाली आहे.

मागच्या आठवड्यातही सोने-चांदीच्या दरात घसरण झाली आहे. मागच्या आठवड्यात गुरुवारी चांदीच्या दरात सर्वाधिक वाढ झाली होती. पहिल्यांदाच चांदीचे दर ४ लाख रुपये झाले होते. त्यानंतर दुसऱ्याच दिवशी चांदीचे दर १.२८ लाखांनी कमी झाले. हे दर २,९१,९२२ रुपये झाले. MCX नुसार, त्यानंतर आज चांदीचे दर ९ टक्क्यांनी घसरले आहेत. हे दर सध्या २,६५,६५२ रुपये झाले आहेत.

सोन्याचे दरही घसरले (Gold Rate Fall)

सोन्याच्या दरातदेखील घसरण पाहायला मिळत आहे. सोन्याचे दर मागच्या आठवड्यात सर्वाधिक वाढले होते आणि मागच्याच आठवड्यात सर्वाधिक घसरले होते. सोन्याचे दर १,९३,०९६ रुपयांपर्यंत पोहचले होते. लगेच दुसऱ्या दिवशी हे दर ४२,२४७ रुपयांनी घसरुन दीड लाखांवर आले आहे. आज सोन्याचे दर ८.८० टक्क्यांन घसरले आहेत. हे दर १,३८, ६३४ रुपये झाले आहेत.

अर्थसंकल्पाकडून अपेक्षा

अर्थसंकल्पानंतर सोने-चांदीच्या किंमती आणखी घसरण्याची शक्यता वर्तवली जात आहे. सोन्याच्या दराने उच्चांक गाठला होता. त्यानंतर आता अचानक अर्थसंकल्पाआधी दोन दिवस सोने-चांदीचे दर घसरले आहेत. त्यामुळे भविष्यातदेखील हे दर घसरण्याची शक्यता वर्तवली जात आहे.