जळगावात सोनं-चांदीच्या भावात सातत्याने चढ-उतार सुरु आहे. मागील आठवड्यात सोन्या-चांदीच्या भावात वाढ झाली. गुरुवारी २६ जानेवारी रोजी सोने-चांदीच्या भावात घसरण झाल्याचे पाहण्यास मिळाले. चांदीचे भाव पाच हजार रुपयांनी घसरले तर सोने ८०० रुपयांनी कमी झाली होती.

सुवर्ण बाजारात मागील काही महिन्यांमध्ये मोठ्या प्रमाणात चढ-उतार पाहण्यास मिळत आहे. तीन महिन्यांपूर्वी भाव रेकॉर्ड ब्रेक किमतीवर पोहोचले होते. त्यानंतर मात्र थोडा दिलासा मिळाला. तरीही सोने व चांदीचे भाव सर्वसामान्यांच्या आवाक्याबाहेर गेले आहेत. चांदी प्रतिकिलो पावणेतीन लाखांपर्यंत आहे, तर सोने प्रतिदहा ग्रॅम दीड लाख रुपयांच्या वर आहे.

आठवडाभरानंतर खरेदीदारांना दिलासा

१८ फेब्रुवारीपासून सोन्याच्या भावात नऊ हजार रुपयांची, तर चांदीच्या भावात ३२ हजार रुपयांची वाढ झाली होती. आठवडाभरातील वाढीनंतर गुरुवारी सोन्या- चांदीचे भाव कमी झाले आहेत. बुधवारी चांदी दोन लाख ७५ हजार रुपयांवर पोहोचली होती. त्यात गुरुवारी पाच हजार रुपयांची घसरण होऊन चांदी दोन लाख ७० हजार रुपयांवर आली, तर सोन्याच्या भावात

८०० रुपयांची घसरण होऊन एक लाख ५९ हजार ८०० रुपयांवरून एक लाख ५९ हजार रुपये (प्रतिदहा ग्रॅम) झाले आहेत.

मागच्या १० दिवसातील सोन्याचे भाव

१८ फेब्रुवारी सोन १ लाख ५२ हजार ५००तर चांदी २ लाख ४३ हजार

१९ फेब्रुवारी सोनं १ लाख ५४ हजार ६०० तर चांदी २ लाख ५० हजार

२० फेब्रुवारी सोनं १ ५४ हजार ९०० तर चांदी २ लाख ५० हजार

२१ फेब्रुवारी सोन १ लाख ५७ हजार तर चांदी २ लाख ६७ हजार

२३ फेब्रुवारी सोन १ लाख ५८ हजार तर चांदी २ लाख ७२ हजार

२४ फेब्रुवारी सोन १ लाख ५९ हजार तर चांदी २ लाख ७३ हजार

२५ फेब्रुवारी सोनं १ लाख ५९ हजार ८००तर चांदी २ लाख ७५ हजार

२६ फेब्रुवारी सोन १ लाख ५९ हजार तर चांदी २ लाख ७० हजार