इराण-अमेरिकेच्या युद्धामुळे सोने-चांदीच्या दरावर परिणाम पाहायला मिळत आहे. मागील आठवड्याभरातही सोने-चांदीच्या दरात चढ-उतार पाहायला मिळाला. मल्टी कमोडिटी एक्स्चेंजवर चांदीच्या दरात प्रति किलो २८०८ रुपयांनी वाढ झाली आहे. तर सोन्याच्या दरात किरकोळ वाढ झाली आहे.

सोमवार ते शुक्रवारपर्यंत या ५ दिवसांत चांदी १२८२१ रुपयांनी स्वस्त झाली. सोन्याचा भाव ५ दिवसांत १८०० रुपयांनी घसरला. तर १७ एप्रिल रोजी एमसीएक्सवर चांदीच्या दर प्रति किलो २५७१४२ रुपये इतका होता. शुक्रवारी एक किलो चांदीचा भाव २८०८ रुपयांनी वाढून २४४३२१ रुपयांवर पोहोचला. तर मागील ५ दिवसांत चांदीच्या दरात १२८२१ रुपयांनी घसरण झाली.

जानेवारीत चांदीचा भाव पहिल्यांदा प्रति किलो ४ लाखांपर्यंत पोहोचला होता. जानेवारीत चांदीचा भाव प्रति किलो ४,३९,३३७ रुपये इतका झाला होता. एप्रिलच्या शेवटच्या आठवड्यापर्यंत चांदीचा भाव प्रति किलो १९५०१६ रुपयांनी घसरला आहे. मागील शुक्रवारी चांदीचा भाव प्रति किलो २४३८२५ रुपये इतका होता.

सोन्याचा दर एमसीएक्सवर ५ जून रोजी एक्सपाय होणाऱ्या सोन्याचा भाव मागील शुक्रवारी १०० रुपयांनी वाढून प्रति तोळा १५२७९९ रुपये इतका झाला होता. मागील आठवड्यात १७ एप्रिल रोजी सोन्याचा भाव प्रति तोळा १५४६०९ रुपये इतका होता. तर ५ दिवसांत सोन्याचा दर प्रति तोळा १८१० रुपयांनी घसरला आहे. जानेवारी महिन्यात सोन्याचा भाव प्रति तोळा २ लाखांपर्यंत पोहोचला होता. तेव्हांपासून सोन्याच्या दरात प्रति तोळा ५०१८५ रुपयांनी घसरण झाली आहे.

ऐन लग्नसराईत सोने-चांदीच्या दरात भाव कोसळल्याने अनेकांना मोठा दिलासा मिळाला आहे. तर गुंतवणूदारांनाही मोठा दिलासा मिळाला आहे. तसेच इराण-अमेरिकेतील तणाव आणखी वाढल्यास सोने-चांदीच्या दरावर आणखी परिणाम होण्याची शक्यता आहे.