प्रत्येकजण आपले भविष्य आर्थिकदृष्ट्या सुरक्षित करण्यासाठी वेगवेगळ्या योजनांमध्ये गुंतवणूक करत असतात. काही सरकारी योजनांमध्ये गुंतवणूक केल्यावर तुम्हाला भविष्यात कधीही आर्थिक मदत भासणार नाही. सिनियर सिटीजन सेव्हिंग स्कीममध्ये गुंतवणूक केल्यावर तुम्हाला भरघोस परतावा मिळतो. सेवानिवृत्तीनंतर सुरक्षित आणि स्थिर इन्कम मिळवण्यासाठी ही चांगली योजना आहे. (Senior Citizen Saving Scheme)

सेवानिवृत्तीनंतर जर तुम्हाला काही ठरावीक रक्कम जमा करायची असेल तर ही उत्तम योजना आहे. सिनियर सिटीजन सेव्हिंग स्कीममध्ये सेवानिवृत्त लोकांना ठरावीक परतावा मिळतो.या योजनेत तुम्हाला कोणत्याही रिस्कशिवाय परतावा मिळतो.

सरकारच्या सिनियर सिटीजन सेव्हिंग स्कीममध्ये सर्वाधिक व्याज मिळते. या योजनेत ८.२ टक्के व्याज मिळते. या योजनेत ज्येष्ठ नागरिकांकडे सेवानिवृत्तीनंतर चांगला फंड जमा होतो. यामुळे त्यांना भविष्यात कोणतीही अडचण येणार नाही. (Government Scheme)

ज्येष्ठ नागरिक बचत योजनेत तुम्ही सिंगल आणि जॉइंट अकाउंट उघडू शकतात. या योजनेत तुम्ही १००० ते ३० लाख रुपयांची गुंतवणूक करु शकतात. या योजनेत जास्तीत जास्त १ लाख रुपये कॅश जमा करु शकतात.

या योजनेत तुम्ही दोन खात्यांद्वारे गुंतवणूक केली. तर तुम्ही ६० लाख रुपये गुंतवणार आहात. त्यावर तिमाही आधारावर १,२०,३०० रुपये मिळणार आहे. वार्षिक ४,८१,२०० रुपये मिळणार आहे. त्यानंतर पाच वर्षाच्या मॅच्युरिटी कालावधीनंतर तुम्हाला २४,०६,००० रुपये व्याज मिळणार आहे. त्यामुळे ६० लाखावर तुम्हाला ५ वर्षात २४ लाख रुपये व्याज मिळणार आहे.

या योजनेत जर तुम्ही ३० लाख रुपये गुंतवले तर तुम्हाला तिमाही ६०,१५० रुपये व्याज मिळणार आहे. त्यानंतर वार्षिक व्याज २,४०,००० रुपये मिळणार आहे. त्यानंतर तुम्हाला ५ वर्षानंतर १२,०३,००० रुपये व्याज मिळणार आहे.