FD Rate: या बँकेत आहे तुमची एफडी; तर मिळणार अधिक व्याज; कुणाला मिळणार लाभ?

अनेकजण आपले भविष्य आर्थिकदृष्ट्या सुरक्षित व्हावे, यासाठी वेगवेगळ्या योजनांमध्ये गुंतवणूक करतात. अनेक लोक बँकांमध्ये एफडी करतात. या एफडीचा फायदा त्यांना खूप कालावधीसाठी होता. एफडीवर चांगला परतावा मिळतो. एचडीएफसी बँकांच्या ग्राहकांसाठी आनंदाची बातमी आहे. एचडीएफसी बँकेने एफडीवरील व्याजदर वाढवले आहे. (HDFC Bank FD Interest Rate Increase)

स्टेट बँक ऑफ इंडियाने ८० वर्षांपेक्षा जास्त वयोगटातील नागरिकांसाठी नवीन योजना सुरु केली आहे. या योजनांमध्ये रेग्युलरपेक्षा १० बेसिस पॉइंटपेक्षा जास्त व्याजदर मिळते. एचडीएफसी बँकेनेदेखील बल्क डिपॉझिट म्हणजे ५ कोटी किंवा त्यापेक्षा जास्त परताव्यावर ५ ते १० बेस पॉइंट्सने सुधारणा करेल. (FD Interest Rate)

स्टेट बँकेने ८० वर्षांपेक्षा जास्त वयोगटातील नागरिकांच्या एफडीवर व्याजदर वाढवण्याचा निर्णय घेतला आहे.५ ते १० बेसिस पॉइंटने हे व्याजदर वाढणार आहे. ८० वर्षांपेक्षा जास्त वयोगटातील नागरिकांसाठी स्टेट बँकेने योजनेची पुनर्रचना केली आहे. यामुळे बँकांमधील व्याजदर सुधारित करण्यात येणार आहे. रिझर्व्ह बँकेच्या आकडेवारीवरुन, डिसेंबरच्या मध्यापर्यंत बँक ठेवी ११.५ टक्क्यांच्या समान गतीने वाढत आहे.

स्टेट बँक ऑफ इंडिया आणि एचडीएफसी बँकेच्या व्याजदरात बदल झाल्यावर इतर बँकाही व्याजदर बदल शकतात. एफडीएफसी बँकेने इतर बँकांच्या तुलनेत बरोबरीने व्याजदरात बदल केल्याची माहिती सूत्रांनी दिली आहे.