२०२६ हे वर्ष सरकारी कर्मचाऱ्यांसाठी आनंदाचे ठरणार आहे. २०२६ मध्ये आठवा वेतन आयोग लागू होणार आहे. त्याचसोबत आता कर्मचाऱ्यांचा महागाई भत्तादेखील वाढणार आहे. वर्षभरात दोनदा महागाई भत्ता वाढतो. जानेवारी आणि जून महिन्यात महागाई भत्ता वाढवला जातो. आता जानेवारीचा महागाई भत्ता लवकरच वाढवला जाईल.

महागाई भत्ता हा मागील महिन्याच्या ऑल इंडिया कंज्यूमर प्राइस इंडेक्स फॉर इंडस्ट्रियल वर्कर्स (AICPI-IW) वर ठरवला जातो. जर हा आकडा वाढला असेल तर महागाई भत्तादेखील वाढला जातो. नोव्हेंबर २०२५ मध्ये हा (AICPI-IW) 148.2 वर आहे. यानुसार कर्मचाऱ्यांचा डीए आणि डीआर ठरवला जातो.

महागाई भत्ता जानेवारी महिन्यात रिवाइज केला जातो. सरकारने मागच्या वेळी जुलै २०२५ मध्ये महागाई भत्ता ५४ वरुन ५८ टक्के केला होता. आता डिसेंबरच्या AICPI-IW वर महागाई भत्ता किती वाढणार हे ठरवले जाणार आहे.

महागाई भत्ता ३ ते ५ टक्क्यांनी वाढण्याची शक्यता

केंद्रीय कर्मचाऱ्यांना जानेवारीत ३ टक्के ते ५ टक्के वाढण्याची शक्यता आहे. डिसेंबर महिन्यात जर AICPI-IW १४७ झाा तर महागाई भत्ता ३ टक्के होण्याची शक्यता आहे. जर डिसेंबरमध्ये AICPI-IW नोव्हेंबरानुसार वाढला तर हा महागाई भत्ता ५ टक्के होऊ शकतो.सध्या कर्मचाऱ्यांचा महागाई भत्ता ५८ टक्के आहे. त्यानंतर आता हा महागाई भत्ता ६१ ते ६३ होऊ शकतो.