सरकारी कर्मचाऱ्यांचा महागाई भत्ता वाढणार
किती टक्क्यांनी महागाई भत्ता वाढणार?
वर्षातून दोनदा वाढवला जातो महागाई भत्ता
सरकारी कर्मचाऱ्यांचा महागाई भत्ता लवकरच वाढणार आहे.सरकारी कर्मचाऱ्यांचा महागाई भत्ता वर्षातून दोनदा वाढवला जातो. जानेवारी आणि जून महिन्यात हा महागाई भत्ता वाढवला जातो. त्यामुळे आता जानेवारी २०२६ चा महागाई भत्ता कधीपासून वाढणार असा प्रश्न कर्मचाऱ्यांना पडलेला आहे.
श्रम आणि रोजगार मंत्रालयाने नोव्हेंबर २०२५ चा ऑल इंडिया प्राइस इंडेक्ट फॉर इंडस्ट्रीयल वर्कर्स (AICPI-IW) जारी केला आहे. हा इंडेक्स १४८.२वर आहे. याच (AICPI-IW) च्या आधारावर कर्मचाऱ्यांचा महागाई भत्ता ठरवला जातो. दरम्यान, यामुळेच पेन्शन आणि पगारात महागाई भत्ता येतो.
जानेवारीचा महागाई भत्ता कधी येणार? (When Will DA Hike Come)
महागाई भत्त्याचा आढावा आता जानेवारी महिन्यात होणार आहे. दर सहा महिन्यांनी महागाई भत्त्याचा आढावा घेतला जातो. याआधी जुलै २०२५ मध्ये महागाई भत्ता वाढवण्यात आला होता. महागाई भत्ता ५४ टक्क्यांवरुन ५८ टक्के केला होता. आतादेखील कर्मचाऱ्यांचा विश्वास आहे की, AICPI-IW १४७ ते १४८ च्या जवळपास राहिला तर महागाई भत्ता ३ ते ५ टक्क्यांनी लाढला जाऊ शकतो.
महागाई भत्ता किती टक्क्यांनी वाढणार? (How much DA Hike in January 2026)
ऑल इंडिया एनपीएस एम्प्लॉईज फेडरेशनचे अध्यक्ष मनजीस सिंग पटेल यांनी सांगितले की, डिसेंबर २०२५ मध्ये AICPI-IW १४७ असेल तर महागाई भत्ता ३ टक्क्यांनी वाढू शकतो. जर डिसेंबरमध्ये AICPI-IW १४८.२ टक्के असेल तर महागाई भत्ता ५ टक्क्यांपर्यंत वाढण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.