Makar Sankranti Date : १४ की १५ जानेवारी, मकर संक्रात नेमकी कधी? तारीख अन् शुभ मुहूर्त एका क्लिकवर

मकर संक्रात हा भारतातील प्रमुख सणापैकी एक आहे. हजारो वर्षांपासून मकर संक्रात सण साजरा केला जातो. मकर संक्रात फक्त सण नसून नव्या वर्षाची झलक आहे. मकर संक्रातीच्या दिवशी सूर्य देव धनू राशीतून मकर राशीत प्रवेश करतो. सूर्याच्या या राशी परिवर्तनाला संक्रात म्हटलं जातं.

मकर संक्रातीचं महत्व -

मकर संक्रातीच्या मुहूर्ताला सर्वाधिक चांगला वेळ म्हटलं जातं. या काळात पूजा अर्चना केल्यास जलद गतीने चांगलं फळ मिळतं. या सणाचा महाभारतात देखील उल्लेख आहे. भीष्म पितामह यांनी या शूभ मुहूर्ताला देहाचा त्याग केला. त्याचं कारण मोक्ष आणि पुण्याशी जोडलं गेलं आहे. मकर संक्रातीच्या दिवशी स्नान, दान,जप याचं विशेष महत्व असतं. गंगा, यमुना किंवा कोणत्याही पवित्र नदीत स्नान केल्याने मन आणि आत्मा हे दोन्ही शुद्ध राहते.

पुराणानुसार, मकर संक्रातीच्या दिवशी केलेलं दान कधीही वाया जात नाही. यामुळे तिळगूळ, खिचडी, धान्य आणि कपडे दान करणे शुभ मानले जाते. तीळाचं नातं थेट शनीदेवाशी जोडलं जातं. शनि दोष शांतीसाठी या दिवस महत्वाचा असतो. मकर संक्रात वेगवेगळ्या राज्यात विविध नावाने परिचित आहे. काही ठिकाणी या सणाला पोंगल, भोगाली बहू, लोहडी या नावाने संबोधले जाते.

मकर संक्रात - १४ जानेवारी २०२५, बुधवार

शुभ मुहूर्त

महापुण्य काळ - सकाळी ८.४० वाजेपासून ९.०४ वाजेपर्यंत

पुण्यकाळ - सकाळी ८:४२ वाजल्यापासून पुढे

स्नान करण्याची शुभ वेळ : सकाळी ९:०३ वाजेपासून १०:४८ वाजेपर्यंत राहील

यंदा मकर संक्रतीच्या दिवशी षटतिला एकादशीचा अनोखा संयोग असणार आहे. १४ जानेवारी रोजी सूर्य देवासहित भगवान विष्णूच्या पूजेचंही विशेष महत्व असणार आहे. एकादशीच्या दिवशी भात खाणे टाळले जाते. परंतु दान करणे शुभ मानले जाते.