Nirmala Sitharaman ninth budget highlights : केंद्रीय अर्थमंत्री निर्मला सीतारामन नवव्यांदा अर्थसंकल्प सादर करणार आहेत. २००६-२७ या आर्थिक वर्षाचा लेखाजोखा अर्थमंत्र्‍यांकडून देण्यात येणार आहे. अर्थसंकल्पात विकासाची गती कायम राहण्यासाठी उपाययोजना केली जाणार आहे. आज होणाऱ्या बजेटला टॅरिफ बजेटही म्हटले जातेय. कारण, या अर्थसंकल्पातून भारत अमेरिकेच्या टॅरिफ धोरणाला उत्तर दिले जाणार आहे. या अर्थसंकल्पातून सर्वसामान्यांच्या खिशाला कात्री लागणार की दिलासा मिळणार, याची चर्चा सुरू आहे.

केंद्र सरकार सर्वसामान्यांच्या खिशाला कात्री लावली जाणार की, दिलासा मिळणार याची उत्सुकता लागली आहे. काम करणारे व्यावसायिक, व्यापारी, शेतकरी आणि मध्यमवर्गीय सर्वजणाचे आजच्या बजेटकडे लक्ष लागलेय. वाढती महागाई आणि दैनंदिन खर्चाच्या पार्श्वभूमीवर लोकांच्या आजच्या अर्थसंकल्पाकडून आपेक्षाही मोठ्या आहेत. दररोजच्या आयुष्यात लागणाऱ्या वस्तू स्वस्त होतील, अशी आशा आहे.

यंदाच्या अर्थसंक्लात मेड इंडियाकडे जास्त प्रमाणात फोकस असू शकतो. अर्थसंकल्पात देशांतर्गत उत्पादित वस्तूंना प्रोत्साहन देणे, रोजगार वाढवणे आणि कर प्रणाली सुलभ करणे यावर फोकस असू शकतो. आरोग्य, गृहनिर्माण आणि वाहतूक यासारख्या क्षेत्रांवरही विशेष लक्ष असेल. पाहूयात, कोणत्या वस्तू स्वस्त होणार, कोणत्या महाग होणार?

कोणत्या वस्तू स्वस्त होणार ?

भारतात तयार होणारे मोबाईल फोन आणि त्याच्या सुट्ट्या भागावर कर सवलत मिळू शकते. त्यामुळे मोबाइलच्या किंमतीत घट होण्याची शक्यता आहे. मोबाईल आणि इलेक्ट्रॉनिक्स वस्तू स्वस्त होऊ शकतात.

होमलोनवरील करसवलतीची मर्यादा वाढवल्याने मध्यमवर्गीयांना घर घेता येऊ शकेल.

आरोग्य विमा आणि आवश्यक औषधांवरील कर सवलतीमुळे वैद्यकीय खर्च कमी होऊ शकतो.

ई-वाहनांना प्रोत्साहन देण्यासाठी, बॅटरी आणि इतर आवश्यक घटकांवरील कर कमी करण्याचा सरकारचा मानस आहे. या निर्णामुळे , ई-स्कूटर आणि ई-कार स्वस्त होतील.

भारतात तयार झालेले टीव्ही, वॉशिंग मशीन आणि रेफ्रिजरेटरसारख्या वस्तूंच्या किमती कमी होऊ शकतात.

कोणत्या वस्तू महागणार ?

परदेशातून येणाऱ्या महागड्या कपडे, घड्याळे आणि ब्रँडेड उत्पादनांवर कर वाढू शकतो. त्यामुळे या वस्तूंच्या किंमतीही वाढण्याची शक्यता आहे.

विदेशातून आयात केलेल्या गाड्या, सौंदर्यप्रसाधने आणि परफ्यूम यांच्या किंमतीत वाढ होऊ शकते.

आयात शुल्कात बदल झाला तर दागिन्यांच्या किमतीत चढ-उतार होऊ शकतात. त्यामुळे सोनं अन् चांदीच्या किंमतीत वाढ होऊ शकते.