आधार कार्ड हे प्रत्येक भारतीय नागरिकासाठी महत्त्वाचे कागदपत्र आहे. प्रत्येक वयोगटातील नागरिकांसाठी आधार कार्ड आवश्यक आहे. दरम्यान,आता लहान मुलांच्या आधार कार्डबाबत मोठी अपडेट समोर आली आहे. UIDAI म्हणजे भारतीय विशिष्ट ओळख प्राधिकरणाने याबाबत सूचना दिल्या आहेत. जर कोणत्या मुलाचे ५ वर्षाआधी आधार कार्ड बनले असेल आणि ७ वर्षापर्यंत त्यांनी बायोमॅट्रिक पद्धतीने अपडेट केले नाही तर ते आधार कार्ड बंद होऊ शकते.

आधार कार्ड अपडेट (Aadhar Card Update)

लहान मुलांचे फक्त नाव, जन्मतारीख, पत्ता आणि फोटो याच्या आधारे आधार कार्ड बनवले जाते. लहान मुलांची बायोमॅट्रिक केली जात नाही. त्यांचे फिंगरप्रिंट आण आईरिस विकसित झालेले नसतात. त्यामुळे बायोमॅट्रिक केले जात नाही. यामुळे ५ ते १५ वर्षांपर्यंतच्या मुलांचे आधार अपडेट करणे अनिवार्य केले आहे. जर तुम्ही मुलांचे आधार कार्ड योग्य वेळी अपडेट केले नाही तर तुम्हाला शाळेचे अॅडमिशन, परीक्षा आणि स्कॉलरशिपसाठी अडचणी येऊ शकतात.

१७ कोटी मुलांचे आधार अपडेट बाकी

UIDAI नुसार, जवळपास १७ कोटी लहान मुलांचे आधार अपडेट होणेर बाकी आहे. दरम्यान, यासाठी UIDAIने महत्त्वाची पाऊले उचलली आहेत. शाळांमध्ये आधार अपडेट कॅम्प सुरु केले जातील. यामुळे UDISE+ प्लॅटफॉर्मवर मुलांची लिस्ट तयार केली जाईल आणि त्यांच्या आईवडिलांना मेसेज दिला जाईल.

कधी आणि कसं करता येणार मोफत अपडेट?

लहान मुलांसाठी ५ ते ७ वर्षांच्या मुलांना बायोमॅट्रिक करणे मोफत आहे. जर आईवडिलांनी या काळात आधार अपडेट केले तर त्यांना कोणतेही शुल्क द्यावे लागणार नाही. परंतु ७ वर्षांपेक्षा जास्त वयोगटातील मुलांचे आधार अपडेट करायचे असेल तर १०० रुपये शुल्क द्यावे लागेल. जर मुलांच्या शाळेत आधार अपडेट होत नसेल तर जवळच्या आधार सेवा केंद्रात जाऊन तुम्हाला आधार अपडेट करावे लागेल.