सरकारी कर्मचारी आठव्या वेतन आयोगाची वाट पाहत आहेत. आठव्या वेतन आयोगात पगारवाढ कधी मिळणार असा प्रश्न कर्मचाऱ्यांना पडला आहे. दरम्यान, आता आठव्या वेतन आयोगात पगारवाढ किती मिळावी, यासाठी कर्मचारी संघटनांकडून प्रस्ताव मागितले जात आहे.

कर्मचारी संघटनांनी वेतन, भत्ता आणि इतर गोष्टींमध्ये बदल करण्याची मागणी केली आहे. संघटनांनी काही प्रस्ताव ठेवले आहेत. जर या प्रस्तावांना मंजुरी मिळाली तर कर्मचाऱ्यांचा पगार चांगलाच वाढणार आहे.

वेतन रचनेत बदल करण्याची मागणी (8th Pay Commission Fitment Factor)

कर्मचारी संघटनांनी फिटमेंट फॅक्टरमध्ये वाढ करण्याची मागणी केली आहे. सध्या फिटमेंट फॅक्टर २.५७ आहे. हा फिटमेंट फॅक्टर २.६२ ते ३.८३ करण्याचा प्रस्ताव ठेवण्यात आला आहे. वार्षिक पगारवाढ ३ टक्क्यांवरुन ६ ते ७ टक्के करण्याची मागणी केली जात आहे.सध्याची महागाई बघता हा बदल गरजेचा आहे. यामुळे कर्मचाऱ्यांच्या पगारात चांगली वाढ होऊ शकते, असं संघटनांचे म्हणणे आहे.

पगार ४ पटीने वाढणार (8th Pay Commission Salary Hike)

भारतीय प्रतिरक्षा मजूर संघ (BPMS)ने बेसिक सॅलरी ७२,००० रुपये करण्याची मागणी केली आहे. ही सध्याच्या सॅलरीपेक्षा ४ पट जास्त आहे. याचसोबत फिटमेंट फॅक्टर ४ ठेवण्याची मागणी केली जात आहे. उच्चस्तरीय कर्मचाऱ्यांचे वेतन १० लाखांपर्यंत करण्याचाहा प्रस्ताव दिला आहे.जर सरकारने या मागण्या मान्य केल्या तर कर्मचाऱ्यांचा पगार चांगलाच वाढणार आहे.