8th Pay Commission: सरकारी कर्मचाऱ्यांसाठी आनंदाची बातमी! आठव्या वेतन आयोगात मिळणार १० ते १६ लाखांचा एरियर

सरकारी कर्मचारी आठव्या वेतन आयोगाची वाट पाहत आहे. आठवा वेतन आयोग लागू झाल्यानंतर कर्मचाऱ्यांचा पगार चांगलाच वाढणार आहे. दरम्यान, जोपर्यंत आठवा वेतन आयोग प्रत्यक्षात लागू होत नाही तोपर्यंत कर्मचाऱ्यांना एरियर दिला जाणार आहे. दरम्यान, कर्मचाऱ्यांना लाखो रुपयांचा एरियर मिळणार आहे.

आठव्या वेतन आयोगाबाबत कर्मचाऱ्यांनी अनेक मागण्या केल्या आहेत. यातील महत्त्वाची मागणी म्हणजे फिटमेंट फॅक्टर. कर्मचाऱ्यांच्या मागणीप्रमाणे जर ३.८३ फिटमेंट फॅक्टर लागू केला तर कर्मचाऱ्यांना चांगलीच पगारवाढ मिळणार आहे. आठवा वेतन आयोग १ जानेवारी २०२६ पासून लागू झाला आहे. त्यामुळे तेव्हापासूनचा एरियर कर्मचाऱ्यांना मिळणार आहे. कर्मचाऱ्यांना १० लाखांपर्यंत एरियर मिळू शकतो.

फिटमेंट फॅक्टरवर ठरणार पगारवाढ (8th Pay Commission Fitment Factor)

सरकारी कर्मचाऱ्यांची पगारवाढ ही फिटमेंट फॅक्टरवर ठरवली जाते. कर्मचाऱ्यांनी ३.८३३ फिटमेंट फॅक्टर ठेवण्याचा प्रस्ताव दिला आहे.जर हा प्रस्ताव मंजूर झाला तर त्यानंतर बेसिक सॅलरी १८००० रुपयांवरुन ६९००० रुपये होणार आहे.

एरियर कधीपासून मिळणार? (8th Pay Commission Arrears)

जर आठवा वेतन आयोग २०२७ मध्ये लागू झाला तरी त्याचे कॅल्क्युलेशन १जानेवारी २०२६ पासून केले जाणार आहे. या महिन्यांसाठी सरकारी कर्मचाऱ्यांना एरियर दिला जाणार आहे. जर सप्टेंबर २०२७ मध्ये आठवा वेतन आयोग लागू झाला तर २० महिन्यांचा एरियर मिळू शकतो.

किती मिळणार एरियर? (How Much Arrear Government Employee Get)

लेव्हल १ कर्मचाऱ्यांची बेसिक सॅलरी १८००० रुपये आहे. ही सॅलरी ६९००० होईल. यामध्ये ५१००० रुपयांचा फरक असेल. त्यानुसार २० महिन्यांसाठी १०.२ लाख रुपये मिळू शकतात. लेव्हल २ कर्मचाऱ्यांना ११.२७ लाख रुपये, लेव्हल ३ कर्मचाऱ्यांना १२.२९ लाख रुपये, लेव्हल ४ कर्मचाऱ्यांना १४.१४ लाख रुपये तर लेव्हल ५ कर्मचाऱ्यांना १६.५४ लाख रुपये एरियर मिळू शकतो.

दरम्यान, जर कर्मचाऱ्यांच्या मागण्या मान्य केल्या तर त्यानंतरच कर्मचाऱ्यांना एवढा एरियर मिळणार आहे. फिटमेंट फॅक्टरवर पगारवाढ आणि परिणामी एरियर अवलंबून असतो. त्यामुळे कर्मचाऱ्यांना नक्की किती रुपयांचा एरियर मिळणार याबाबत अजूनही अधिकृत माहिती समोर आलेली नाही.