8th Pay Commission: बेसिक सॅलरी ₹७२०००, फिटमेंट फॅक्टर ४ पटीने वाढणार? किती होणार सरकारी कर्मचाऱ्यांचा पगार? वाचा

आठव्या वेतन आयोगात पगारवाढ किती मिळणार याकडे सरकारी कर्मचाऱ्यांचे लक्ष लागले आहे. दरम्यान, आठव्या वेतन आयोगासाठी कर्मचाऱ्यांना सूचना देण्यास सांगितले आहे. या सूचनांच्या मदतीने शिफारसी तयार करण्यासाठी मदत होईल. दरम्यान, कर्मचाऱ्यांनी आठव्या वेतन आयोगसमोर काही प्रस्तान ठेवले आहेत. यामध्ये पगारवाढीची अपेक्षा आहे.

भारतीय प्रतिरक्षा कामगार संघाने (BPMS)ने किमान वेतनवाढ, फिटमेंट फॅक्टर आणि वार्षिक वेतनवाढीबाबत सूचना दिल्या आहे. या मसूद्यामध्ये किमान वेतन हे केवळ खर्च आणि गरजेचे आधारित नसावे. ते राष्ट्रीय उत्पन्नाशी जोडणे अधिक महत्त्वाचे आहे, असं सांगण्यात आले आहे.

फॅमिली युनिटमध्ये वाढ करण्याची मागणी

कर्मचाऱ्यांची मागणी आहे की, फॅमिली युनिटमध्ये बदल करावा. सातव्या वेतन आयोगात ३फॅमिली युनिट आहे. यामध्ये बदल करुन २ फॅमिली युनिट करण्याची मागणी केली जात आहे. यामुळे कर्मचाऱ्यांच्या पगारात वाढ होईल.

बेसिक सॅलरी ७२००० होणार? (8th Pay Commission Salary Hike to 72000 Rupees)

कर्मचारी संघटनांनी बेसिक सॅलरी ७२००० रुपये करण्याची मागणी केली आहे. फिटमेंट फॅक्टर ४.० करन बेसिक सॅलरीत वाढ करण्याची मागणी केली आहे. म्हणजेच फिटमेंट फॅक्टरमध्ये जवळपास ४ पटीने वाढ करण्याची मागणी केली जात आहे. याआधी सहाव्या वेतन आयोगात फिटमेंट फॅक्टर १.८६ होता. सातव्या वेतन आयोगात फिटमेंट फॅक्टर २.५७ होता. त्यानंतर आता फिटमेंट फॅक्टर ४.० करण्याची मागणी केली जात आहे.

वार्षिक पगारवाढ (Annual Increment)

मसुद्यानुसार, वार्षिक पगारवाढीमध्येही वाढ करण्याची मागणी केली जात आहे. अॅन्युअल इंक्रिमेंट ३ टक्क्यांवरुन ६ टक्के करण्याची मागणी केली जात आहे. ३ टक्के पगारवाढ ही पुरेशी नाही. महागाईत वाढ, खर्चात वाढ आणि सध्याचे उत्पन्न मर्यादित नाही, यामुळे वार्षिक पगारवाढीत वाढ करण्याची मागणी केली जात आहे.