Chhatrapati Sambhaji Nagar News : कांद्याला एक रुपया भाव मिळाल्याने छत्रपती संभाजी नगर जिल्ह्यातील गंगापूर येथील शेतकरी संतापले. या शेतक-यांनी वैजापूर गंगापूर महामार्ग (vaijapur gangapur highway) राेखला. त्यामुळे महामार्गावरील वाहतुक खाेळंबली. (Maharashtra News)

गंगापूर बाजार समितीत आज (मंगळवार) कांद्याची एक रूपयाने खरेदी केली गेली. आधीच अवकाळीने मेटाकुटीला आलेला शेतकरी आता कांद्याला दर मिळत नसल्याने शेतकरी नाराज झाला. दरम्यान काही शेतक-यांनी कांदा लिलाव बंद पाडला. त्यानंतर सर्व शेतकरी संघटीत झाले. त्यांनी वैजापूर गंगापूर महामार्ग (vaijapur gangapur highway) राेखून धरला. कांद्याला भाव मिळावा यासाठी रास्ताे राेकाे आंदाेलन केल्याचे शेतक-यांनी नमूद केले.

नाशकातही शेतकरी आक्रमक

नाशिक जिल्ह्यातील सटाणा तालुक्यातील करंजाड उपबाजार समितीत व्यापाऱ्यांच्या मनमानी कारभारा विरोधात कांदा उत्पादक शेतकरी आक्रमक झालेत. दुस-या व्यापा-यांना कांदा मार्केटमध्ये उतरू देत नसल्याने शेतकरी संतप्त झाले. विंचूर प्रकाशा राज्य मार्गावरील रस्त्यावर उतरत शेतकऱ्यांनी रास्ता रोको आंदोलन सुरू केले.

Edited By : Siddharth Latkar