संजय जाधव 

बुलढाणा : पावसाचे उशिराने आगमन झाल्याने पिकांचे नुकसान होत आहे. यात पावसाने दिलेल्या खंडासोबतच 'येलो मोझॅक' आणि खोडकिडीने आक्रमण केल्याने जिल्ह्यातील २० हजारांपेक्षा जास्त हेक्टरवरील (Soybean) सोयबीनचे पीक धोक्यात आले आहे. त्यामुळे जिल्ह्यातील (Farmer) शेतकरी संकटात सापडले आहेत. (Tajya Batmya)

खरीप हंगामात यावर्षी पावसाने मोठ्या प्रमाणात खंड दिला. त्यामुळे पेरण्या लांबल्या होत्या. अनेक शेतकऱ्यांना जुलै महिन्यात पेरण्या कराव्या लागल्या, बुलढाणा जिल्ह्यात सोयाबीनचे ३ लाख ९४ हजार ४२५ हेक्टरवर पेरणी क्षेत्र आहे. त्यापैकी दोन लाख ५ हजार ८९५ हेक्टरवर सोयाबीन पेरणी झाली होती. येलो मोझेकसह खोडकिडीच्या प्रादुर्भावाने पिक उध्वस्त होत चालली असून शेतकरी मोठ्या संकटात सापडला आहे. 

उत्पादनात ७० टक्के घट 

सोयाबीनवरील रोगाच्या प्रादुर्भावाने जिल्ह्यातील सोयाबीन उत्पादनात ७० टक्के घट होण्याची शक्यता वर्तविली गेली आहे. या नुकसानीने चिंताग्रस्त झालेले शेतकरी विम्यासाठी कंपनीकडे तक्रार करीत आहेत. मात्र, निकषात बसत नसल्याने विमा मिळतो किंवा नाही याविषयी संभ्रम निर्माण झाला आहे.