Gondia Crime News : महादेव मंदिरातून चोरी; गोंदिया पोलिसांकडून दोघांना अटक

शुभम देशमुख 

गोंदिया : गोंदिया शहरातील गणेशनगर परिसरातील सर्वेश्वर महादेव मंदिर आहे. या मंदिरात चोरी झाल्याचे (Gondia) समोर आले होते. चोरीचे हे प्रकरण उलगडले असून पोलिसांनी (Police) या प्रकरणात दोघा चोरट्यांना अटक केली आहे. (Latest Marathi News)

गोंदिया शहरातील सर्वेश्वर महादेव मंदिरातील दाराचे कुलूप तोडून दानपेटीतील एक हजार रुपये, एक पितळीची समई किंमत ५०० रुपये, एक तांब्याची श्रींगी किंमत ३०० रुपये असा एकूण एक हजार ८०० रुपयांचा माल चोरीला गेला होता. ५ ऑक्टोबरच्या रात्री ते ६ ऑक्टोबरच्या पहाटे ४ वाजताच्या सुमारास घडला होता. 

गुन्हा दाखलनंतर दोघांना अटक 

या घटने यासंदर्भात विष्णू देवनारायण अग्रवाल तक्रारीवरून शहर पोलिस ठाण्यात गुन्हा दाखल करण्यात आला. याप्रकरणी सुमित चिंडाले (वय २८) व अमित चिंडाले (वय २३) या दोघांना अटक करून मंदिरातून चोरलेला मुद्देमालही जप्त करण्यात आला आहे. विशेष म्हणजे गोंदिया शहरात मंदिरामध्ये चोरीची एका महिन्यातील ही दुसरी घटना आहे.