Crime News: नाशिक पोलिसांची कारवाई; ३०० कोटीपेक्षा जास्त रुपयांचा एमडी ड्रग्जचा साठा जप्त

Nashik Police Recovered MD Drug :

नाशिक शहर पोलिसांची मोठी कारवाई केलीय. पोलिसांनी एमडी ड्रग्ज मोठा साठा जप्त केलाय. पोलिसांनी जप्त केलेल्या ड्रग्जची किमत ३०० कोटीपेक्षा जास्त आहे. दरम्यान काल मुंबई पोलिसांनी ड्रग्जचा कारखाना उद्धवस्त केलाय. शिंदे गावातच दुसरी कारवाई झाल्यानं मोठी खळबळ माजली. (Latest Crime News)

शिंदे पळसे परिसरात ड्रग्जचा कारखाना

ड्रग्ज माफिया ललित पाटील पुण्यातील ससून रुग्णालयातून फरार झाल्यानंतर पोलीस ड्रग्जविरोधी पोलीस ॲक्शन मोडवर आले आहेत. साकीनाका पोलिसांनी नाशिक शहर पोलीस हद्दीत मोठी कारवाई करत १५० किलोपेक्षा एमडी ड्रग्ज जप्त केले. श्री. गणेशाय इंडस्ट्रीज या कंपनीत ड्रग्ज निर्मिती सुरू होती. ड्रग्स माफिया ललित पाटीलचा भाऊ भूषण पाटील नाशिकच्या शिंदे पळसे परिसरात हा ड्रग्सचा कारखाना चालवत होता.

माहिती मिळताच मुंबई पोलिसांनी कारवाई करत कारखाना उद्ध्वस्त केलाय. तब्बल तीन दिवस सुरू असलेल्या या कारवाईनंतर पोलिसांनी कंपनी मालकासह कामगारांना ताब्यात घेतलंय. दरम्यान, नाशिक पोलिसांनीही शहरातील वडाळागाव भागातील सादिकनगरमध्ये छापा टाकून ड्रग्स विकणाऱ्या एका महिलेसह आणखी एकाला अटक केली होती.