Tomato Price Drop In Nashik : बाजार समितीत टाेमॅटाेचा दर काेसळू लागला, जाणून घ्या महत्त्वाचे कारण

Nashik News : गगनाला भिडलेल्या टोमॅटोच्या दरात आता काेसळू लागले आहेत. पुण्यानंतर नाशिक बाजार समिती येथे देखील टोमॅटोचा दर उतरु लागला आहे. पुण्यानंतर पिंपळगाव बाजार समितीत टोमॅटोचे दर कमालीचे घसरले आहेत. (Breaking Marathi News)

नाशिकच्या बाजार समितीत टोमॅटोच्या दरात मोठी घसरण सुरु आहे. पिंपळगाव बाजार समितीत टोमॅटोचे दर घसरले आहेत. पंधरवड्यात दिवसांत टोमॅटोचे २० किलोच्या क्रेटमागे १७०० रुपयांची घसरले आहेत. यामुळे शेतकरी चिंतेत पडले आहेत.

मागील आठवड्यात टोमॅटोला २६५१ रुपये इतका दर मिळाला हाेता. या आठवड्यात टोमॅटोला अवघा ९५१ रुपयांचा दर मिळाला आहे. टोमॅटोची लाली १७०० रुपयांनी कमी झाली आहे. भारतीय बाजारपेठेत नेपाळचे टोमॅटो विक्रीसाठी आल्याने दर घसरल्याचं व्यापाऱ्यांच म्हणणं आहे.

Edited By : Siddharth Latkar