Pandharpur News : महसूल, गौण खनिज अधिका-यांविराेधात बेमुदत हलगी नाद आंदोलनास प्रारंभ

Pandharpur News : पंंढरपुरातील अवैध खडी क्रशर बंद करण्याच्या मागणीसाठी सामाजिक कार्यकर्त्यांनी आंदोलन छेडले. या आंदाेलनात माेठ्या संख्येने विविध तालुक्यातील ग्रामस्थ सहभागी झाले आहेत. (Maharashtra News)

सोलापूर जिल्ह्यातील सांगोला, पंढरपूर, मंगळवेढा, माळशिरस, माढा, करमाळासह इतर तालुक्यात सुरू असलेल्या विना परवाना बेकायदेशीर खडी क्रशरवर कायदेशीर कारवाई करण्याच्या मागणीसाठी सामाजिक कार्यकर्ते दादासाहेब चव्हाण यांनी नागरिकांसह पुणे विभागीय आयुक्त महसूल यांच्या कार्यालय समोर हलगी नाद आंदोलन सुरू केले आहे.

या बेकायदेशीर खडी क्रशर मधून रोज शेकडो टन दगड उत्खनन करून शासनाच्या महसूल बुडवला जातो. तरीही महसूल आणि गौण खनिज अधिकारी यांच्या कडून कारवाई होत नसल्याने बेमुदत हलगी नाद आंदोलन सुरू केले आहे.

Edited By : Siddharth Latkar