बारा ज्योतिर्लिंगांपैकी एक असलेल्या त्र्यंबकेश्वराचं श्रावण महिन्यांत भाविकांना दर्शन व्यवस्थित व्हावे यासाठी त्र्यंबकेश्वर देवस्थानने विशेष व्यवस्था केली आहे. नव्या निर्णायानूसार साेमवारी पहाटे ४ ते रात्री ९ वाजेपर्यंत भाविकांना त्र्यंबकेश्वराचं दर्शन (Trimbakeshwar Darshan Timings) घेता येणार आहे. (Maharashtra News)
श्रावणात त्र्यंबकेश्वराच्या दर्शनासाठी भाविकांची मोठी गर्दी हाेत असते. भाविकांची माेठ्या प्रमाणात होणारी गर्दी लक्षात घेता भाविकांच्या सोयीसाठी त्र्यंबकेश्वर देवस्थानने व्हीआयपी दर्शन बंदचा निर्णय नुकताच जाहीर केला आहे.
या निर्णयानंतर आता देवस्थानने त्र्यंबकेश्वराचं मंदिर भाविकांना दर्शनासाठी पहाटे ५ ते रात्री ९ वाजेपर्यंत खुलं ठेवण्याचा निर्णय घेतला आहे.
श्रावणात त्र्यंबकेश्वराच्या दर्शनसाठी विशेष व्यवस्था केली आहे. प्रत्येक श्रावणी सोमवारी पहाटे ४ ते रात्री ९ वाजेपर्यंत भाविकांना त्र्यंबकेश्वराचं दर्शन घेता येणार आहे. तसेच गावकऱ्यांना मंदिर उघडल्यानंतर सकाळी 10:30 पर्यंत तर संध्याकाळी 6 ते 8 पर्यंत दर्शन घेता येणार आहे.
- गावकऱ्यांना दर्शनाकरता येतांना रहिवासी पुरावा सोबत असणं बंधनकारक.
- गावकऱ्यांना उत्तर महाद्वारातून प्रवेश असणार.
- भाविकांना दर्शन रांगेत त्रास होऊ नये याकरिता वातानुकूलित दर्शन बारीची व्यवस्था केली आहे.
- जेष्ठ नागरिकांना बसण्याची व्यवस्था तर स्तनदा मातांसाठी हिरकणी कक्षाची व्यवस्था केली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.