Tomatoes Stolen in Shirur : 400 किलाे टाेमॅटाे चाेरीस, पुणे ग्रामीण पोलिसांपुढे नवे आव्हान

Shirur News : सध्या टोमॅटोला सोन्याचा भाव आल्याने चाेरटे टोमॅटोला लक्ष करीत आहेत असा प्रकार राज्यातील विविध जिल्ह्यात घडत आहे. असाच एक प्रकार शिरुर तालुक्यात देखील घडला आहे. शेतक-याने मोठ्या प्रमाणात भांडवली खर्चातुन जपलेल्या टोमटोवर चोरट्यांनी डल्ला मारला आहे.  (Maharashtra News)

शिरूर तालुक्यातील पिंपरखेड येथे अरुण बाळासाहेब ढोमे या शेतकऱ्याने दिवसभर शेतात मेहनत करून काढून ठेवलेला टोमॅटो रात्री अज्ञात चोरट्यांनी चोरून नेल्याने शेतकऱ्याचं मोठ्या प्रमाणात नुकसान झालंय. यामुळे ढाेमे चिंतेत पडला आहे.

ढोमे यांनी जवळपास 30 कॅरेट टोमॅटो (tomato) तोडून बाजारात येण्यासाठी गाडीत भरून ठेवला होता. मात्र याच टोमॅटोवर पाळत ठेवुन रात्री अज्ञात चोरट्यांनी चोरी केली. ढोमे यांच जवळपास 40 ते 50 हजार रुपयांचे नुकसान झालंय.

त्यामुळे या चोरट्यांना पकडण्याचं मोठं आव्हान आता पुणे ग्रामीण पोलिसांपुढे असणार आहे. गेली काही दिवसापासून शेतीमालाच्या चोरीच्या घटनांमध्ये वाढ होऊ लागल्याने शेतकरी वर्गामध्ये मात्र नाराजीचा सूर आहे.

Edited By : Siddharth Latkar